فيديو ونص/الكاتب والمخرج يوسف ي. الخوري، تعلموا الشجاعة من بشير الجميل ومن قوله: قصة إسرائيل قميص عثمان خلين يطلعوا منا ويطلعوا ع الحقيقة بالواقع متل ما هيي
فيديو ونص/الكاتب والمخرج يوسف ي. الخوري، تعلموا الشجاعة من بشير الجميل ومن قوله: “قصة إسرائيل قميص عثمان خلين يطلعوا منا ويطلعوا ع الحقيقة بالواقع متل ما هيي”.
قميص عثمان الكاتب والمخرج يوسف ي. الخوري/27 آب/2024
مرق 42 سنة ع استشهاد بشير الجميّل، وبعدُن ما بْـيخجَلوا يعيّروه بعلاقتُه بالإسرائيلي، وما بْـيخجلوا يْلَوثوا أفكار الأجيال الجديدِه باختراع عداوِه مفترضة لإسرائيل، وتخوين كلّ حدا تجرّأ بيوم من الإيّأم يِحكي مع إسرائيل حتى ولو كانت السكّيني عَ رقبتُه وشعبُه عم يندبح.
مع ذكرى انتخاب بشير رجعت هالموجِه الموجَهَة تحديدًا ضدّ المسيحيين، وساقبت توفى الدكتور جورج فريحة، فتذكرت فيديو ضمن أرشيفي الخاص (غير منشور سابقًا) بْـيجمع بين بشير وفريحة، وقِلْت بِـنشر جزء من خطاب بشير فيه، لأنّو إذا بِـنشر كلّ خطابو، ولا فريق بلبنان اليوم بيتحمل اللي قالوا بشير يومتها.
مضمون الفيديو:
بعد حرب زحلة (1981)، نظّم جورج فريحة لقاء جمع بشير مع ممثلين عن الهيئات الشعبية بالمناطق الحرّة ومراسلين صحفيين محليين وأجانب، وأغلب الحديث دار حول مطالبة سوريا والعرب بشير بالاعتراف بعلاقتُه بإسرائيل، ثمّ الاعتذار على هذا “الخطأ” وقطع العلاقة، فيبادرون هم إلى حلّ كلّ المشاكل في لبنان.
شو كان موقف بشير؟
بأكدلكن ما زحف كرمال إرضاء حدا، وبقّ الحقيقة بوجوهن بلا خجل.
في حدا اليوم قادر يوقف عَ إجر ونص وما يذكرنا إنّو إسرائيل هيّي عدو كل ما بدو يهاجم حزب الله!!؟ أو عالقليلة ما يحكي باسم كلّ الشعب اللبناني بهالموضوع!!!؟ #بشير_الجميل #سترحل #ضمير_المقاومة #ثورة_وعي #حركة_مواجهة #الحلم_الكبير
