عون يستعد لإعلان انتصار مسيحي صافي نوفل ضو/فايسبوك/26 تشرين الأول/16
السيد ميشال عون يستعد … لماذا؟
لإعلان انتصار مسيحي صافي!
لن يبقى مطلب مسيحي إلا وسيتحقق!
اطلبوا وتمنوا … إنه مارد الفانوس السحري!
سيخجل التاريخ من ذكر فخر الدين والحويك وعريضة عند تعداده لإنجازات عون!
زياد الرحباني يقول في مسرحيته فيلم لأأميركي طويل: في تفاؤل … في تفاؤل قوي كتير … ما رح يبقى في ابن مرا واقف عا اجري … وكل واحد بيقول به … على نيعو!
عون واستعادة حقوق المسيحيين نوفل ضو/فايسبوك/26 تشرين الأول/16
يا جماعة طولوا بالكن … نحنا ما منفهم قد القيادات… نحنا ما عنا معطيات… نحنا عنا ميل طبيعي ننبش التاريخ… شوفوا نص الكباية المليان … انتصار مسيحي صافي … والدليل إنو هلق انا ومارق من قدام السفارة الكندية بجل الديب شفت طابور من الإخوان السنة والشيعة والدروز واقفين بالصف ومسكرين السير طالبين الهجرة واللجوء السياسي على كندا… سألتن شو القصة؟ قالولي: شو باك؟ مش عايش بهالدني؟ ما رح يبقالنا وظيفة بهالبلد؟ ما رح يبقالنا قرار ولا رأي؟ خلص ! راحت علينا عون جايي يرد حقوق المسيحيين!
رئاسة عون والمغتربين نوفل ضو/فايسبوك/26 تشرين الأول/16
خبر عاجل – صدر عن شركة طيران الشرق الأوسط البيان الآتي: بعدما انهالت على مكاتب الشركة اتصالات من المهاجرين اللبنانيين في البرازيل وأوستراليا وكندا وأميركا والأرجنتين وفنزويلا وغيرها من دول العالم تشكو من عدم قدرتهم على ايجاد أمكنة على متن الخطوط الجوية الدولية للعودة الى لبنان نهائيا بعدما اضطر أجدادهم لمغادرته في الحرب العالمية الأولى، وبعدما اضطر بعضهم للهجرة في حرب السنتين والمئة يوم وزحلة والجبل وحربي التحرير والإلغاء، قررت شركة طيران الشرق الأوسط شراء 15 طائرة ايرباص عملاقة واقامة جسر جوي بين هذه الدول وبيروت لنقل المغتربين اللبنانيين العائدين نهائيا الى لبنان بعدما تأكدوا بأن ميشال عون سيتولى رئاسة الجمهورية. وفي انتظار تسلم الطائرات الجديدة وتلبية لكمية الطلبات الهائلة سوف تستأجر الطائرة اعتبارا من صباح الغد 15 طائرة لتسييرها نحو لبنان. وتمنت الشركة على المغتربين العائدين تفهم ارتفاع الحجوزات وانتظار دورهم!
