!”الكولونيل شربل بركات/”كلب عم يبعت كلب عالمعركة

“كلب عم يبعت كلب عالمعركة”
(عن ادرعي على لسان أحد أسرى حزب الله)
الكولونيل شربل بركات/03 نيسان/2026

اففف… كلمة كبيرة.. طالعا من قريح قلبو..
من زمان قلنالكن ارتدعوا قبل ما توصلوا لهون.. ما حدا كان يسمع.. كلن سكرانين بالوهم.. عم يغنوا قصايد بطولة.. مفكرين الحروب مخيم تدريب أو لعبة تش.. أو عملية كترة بيستفردوا فيها بالحنتوش.. بس وين بدكن تروحوا من الحنتوش؟.. بدو يقصف عماركن كلكن..
وين راحت.. القصايد.. والبطولة؟.
كان فينا نبقى ننظّر قد ما بدكن ونعمل لطميات ونبكي على الحسين.. إنما اليوم وين الحسين.. ووين هاللي بيلطم؟ ما عاد في حدا…

حيّرنا السيد وهوي عم يهدد ابن جعجع انو عندو مية ألف بيقدروا يقاتلوا..
راح السيد.. ولحقوا مية سيد ولحد هلق شي عشرين الف من الاتباع.. وبعدو الحبل عالجرار.. قولكن بدو يوصلّن للمية؟.
المشكل انو بعد في شوي قاعدين ينظّروا ويكسدروا عالموتسيكات هون وهون.. نصن مخدرين.. وبيحملوا أمرار كلاشنات.. وبيقوصوا بالهوا.. وبيتباهوا وبيقدّوا مراجل.. عا مين؟.. عا شي حدا بالحي خايف الله وبعدوا بيستقبل الهربانين “الابطال”..
وفي كام ست ما بينزل نبريش الأرغيلة من تمن قاعدين ناطرين يسمعوا خبرية تيعلكوها ويتباهوا بجماعة الرضوان هاللي ما راح يبقى منن يمكن غير الأسم.. ويرجعوا يكمّلوا مسبات للي بيجيبولن التموين..

بيقولوا الدولة والحكومة والجيش وقوى الأمن فارضة سيطرتها عا البلد…
يا حرام.. شي بيحزّن.. لا في حكومة.. ولا جيش.. ولا أمن.. في ارطة زعران بعد عندن كام صاروخ بيلعبوا فيهن.. متل الولاد بالحارة يوم عيد السيدة.. بيشولحوهن هيك.. ياربي تيجي بعينوا.. لا هني عارفين وين رايحين ولا في مسؤول يقلن شو يعملوا.. الكبار خايفين يلحقوا القبل منن وعم يجربوا يتخبوا تما يطالوهن.. بس وين بدك تروح؟.. في واحد فوق كيف ما تطلعت شايفك.. “قايين قايين وين خيّك”..

الله يرحم هاللي بنى وعمر.. راح البلد وراحوا أهلو.. وما حدا بدو يرجع تيعمّر الهيئة..
بكرا بدن يسألوا الولاد هاللي راح يكبروا بالشوارع بدون سقف.. وبدون شغل.. وبدون أكل وشرب.. شو صار بقبر زينب هاللي حاربنا الناس وهجرناهن عشانو.. وشو صار بالبطون هاللي بتخلف مقاتلين لتحرير القدس وحماية الولي الفقيه؟..

متاري راح الولي وصارت عضامو مكاحل.. وما عاد في حدا من بيت فقيه.. حتى هاللي كان فاتح مطعم هون بمصريات الحزب لحق الحزب وراح يركض وراه.. ويا ريت هالفقيه راح لحالو وبس.. أخذ معو كل هاللي كانوا عم يصلّولو.. لا ترحّم عليهن ولا قدروا يترحّموا عليه..

للأسف بكرا اذا اجا حدا لهون بدو يقول كان في بلد.. بس ليش فضي؟.. معقول الطاعون؟..
الهيئة هاللي ضربنا اصعب من الطاعون… الله يرحم هاللي بعدن طيبين…

**اضغط هنا لدخول صفحة الكولونيل شربل بركات على موقعنا المنشورة عليها كل مقالاته وكتبه وتحليلاته
**Click here to access Colonel Charbel Barakat’s page on our website, where all his articles, books, and analyses are published

السيرة الذاتية للكولونيل شربل بركات
خبير عسكري، كاتب، شاعر، مؤرخ، ومعلق سياسي
*ضابط متقاعد من الجيش اللبناني
*متخرج من المدرسة الحربية ومجاز بالعلوم السياسية والادارية من الجامعة اللبنانية
*كلف كأحد الضباط لتنظيم الدفاع عن القرى الحدودية منذ 1976
*تسلم قيادة تجمعات الجنوب
*تسلم قيادة القطاع الغربي في جيش لبنان الحر وأصبح مساعدا للرائد سعد حداد ثم تسلم قيادة الجيش بالوكالة عندما مرض الرائد حداد واستمر بعد وفاته حتى مجيء اللواء أنطوان لحد فأصبح مساعده ثم قائدا للواء الغربي في جيش لبنان الجنوبي
*ترك العمل العسكري في 1988 وتسلم العلاقات الخارجية
*شهد أمام لجنة العلاقات الخارجية في مجلس الشيوخ الأميركي مرتين
*كاتب سياسي وباحث في التاريخ له الكثير من الكتب والمقالات السياسية التاريخية والانسانية
نشر كتابه الأول “مداميك” (1999) الذي يحكي عن المنطقة الحدودية ومعاناة أهلها، ترجم إلى العبرية ونشرته معاريف (2001) والانكليزية (2012) Madameek – Courses – A struggle for Peace in a zone of war موجود على Amazon Books
*نشر كتابه الثاني “الجنوب جرحنا وشفانا” الذي يشرح الأحداث التي جرت في المنطقة بين 1976 – 1986
*الكتاب الثالث “Our Heritage” كتاب بالانكليزية يلخص التراث اللبناني مع رسومات لزيادة الاستيعاب موجه للشباب المغترب
*كتابه السياسي الثالث “لبنان الذي نهوى” (2022) جاهز للطبع
*كتاب مجزرة عين إبل 1920 وهو بحث تاريخي عن المجزرة التي ساهمت في نشوء وتثبيت لبنان الكبير
*كتاب “المقالات السياسية 2005 – 2013” مئة ومقالة منشور على صفحته
*كتاب “الشرق الأوسط في المخاض العسير” مجموعة مقالات سياسية (2013 – 2025)
*كتاب “العودة إلى عين إبل” بحث تاريخي بشكل قصصي عن تاريخ المنطقة بين 1600 – 1900
*كتاب شعر عن المعاناة خلال الحرب الكبرى 1914 – 1918 من خلال قصيدة زجلية نقدية جاهز للطبع
*كتاب “تاريخ فناء صور الخلفي” بحث تاريخي عن المنطقة الجنوبية – قيد الانجاز
*كتاب المقالات الانسانية وكتاب عينبليات قيد الانجاز