مْـغَـارة المـيـلاد بِ مْـدينة صُـوْر 2024
الإستاذ رضوان ابو فيصل/كندا/07 كانون الأول
حْـلِـمِـتْ إنّـوْ يْـكُـوْنْ مـيـلاد يَـسُـوع هالـسـنـه بْ لـبـنـان .. بَـسْ وَيْـنْ ؟ كل الـمِـدُنْ والـضُـيَـعْ بْ يِـتْـمَـنُّـوْ يْـكُـوْنْ عِـنْـدُنْ .. وْمـا بَـعْـرِفْ كـيف وْلَـيْـشْ لَـمَـعِـتْ ” صُـوْر” بْ عَـيْـنَـيّـيْ ..
يا أهِـلْ صُـوْر
بْـعَـتُـوْ الصيَّـاديـن يْعـَـبُّـوْ شْـبَـاكُـنْ صُـبْـح وْمَـسَـا ..
وْخَـلُّـوْ الـنُـجّـارِيـن والْـمِـعْـمَـرْجِـيّـي يَـعِـمْـلُـوْ مْـغَـاره مِـنْ خَـشَـب الزيتون لِ تْـكَـسَّـرْ ..
وْزَيّْـنُـوْ سَـطْـحا والحـيْـطـان – من بَـرّا – بْ شِـقَـفْ قْـزازْ بْـيُـوْتْـكُـن:
يُـوسـف ومـريـم الْ بَـطْـنَـا قِـدّامَـا رَحْ يُـوْصَـلُـوْ ..
مِـنْ حَـقُّـوْ لَ “يَـسوع إبن مـريـم” إنّـو يِـخْـلَـقْ، هالـسِـنِـه، عَ حْـدود الجَـلـيْـلْ بْ جَـبَـلْ عَـامِـلْ ..
الِـمْـغَـاره مـا بَـدّا ضَـوّْ :
عَـلْـقُـوْ عَ حِـيْـطـانا صُـوَرْ أطْـفـالْـنا الْـغَـابُـوْ : ضَـوّْ عْـيُـوْنُـنْ أقْـوى مْـنِ الْـعـتـم و الـشّـر ..
الـمغـارة ما بَـدّا دَفَـا:
مْـرَحُـوْ أرْضَـا بِ رْمَـاد طَـيْـر الْـفِـيْـنِـيْـقْ ..
وْيا أهـلي .. يا أهل صُـوْر:
مِـدُّوْ سُــفَـرْكُـنْ ، مِـتْـلْ مـا مَـدّيْـتُـوْ مَـراكِـبْـكُـنْ عَ مَـدى الـبـحـر: سَـمَـكْ وخـبـز..
جَـايِـيْـن اللـبْـنـانـيّـي كِـلُّـنْ يْـعَـيّـدُوْ مَـعْـكُـنْ وعِـنْـدْكُـنْ ..
وْإنْـتُـوْ يا أهـلـي اللـبـنانـيـي:
ما تِـنْـسُـوْ، إنْـتُـوْ وْراجْـعـيْـن، تْـجِـيْـبُـوْ مَـعْـكُـنْ تْـلاتْ سَـمَـكـاتْ وكِـمْ رْغِـيْـفْ
حـتى تْـضَـلاّ طَـعْـمِـةِ الـمَـجـد والـبَـرَكِـه بِ بْـيُـوْتْـكُـنْ .
