الأب مارون الصايغ يعري هرطقات وأوهام وخزعبلات مزور التاريخ “بدر الحاج” الذي نشرت له اليوم الجريدة الصفراء الملالوية مقالة عنوانها: “نهاية مشروع لبنان الكبير”/ لبنان ما انتهى انت وزوبعتك انتهيتو

الأب مارون الصايغ يعري هرطقات وأوهام وخزعبلات مزور التاريخ “بدر الحاج” الذي نشرت له اليوم الجريدة الصفراء الملالوية مقالة عنوانها: نهاية مشروع لبنان الكبير”/ لبنان ما انتهى انت وزوبعتك انتهيتو

روح يا بدر لعاب بملعبك انت عامل حالك باحث ومؤرّخ وسلّم على زوبعتك
الأب مارون الصايغ/31 آب/2024
نشر بدر الحاج من فلول احد الاحزاب بجريدة الاخبار الصفراء مقالة بعنوان “نهاية مشروع لبنان الكبير ” فيها سرديات بتدغدغ العقل المتخلّف عند جماعتو
عن بشير والدبابة الاسرائيلية ومجازر ارتكبوها المسيحيين وحكي ولتّ.
ولكن ردّي هوي على يللي بلش فيه مقالتو بنشر خريطتين وضعن الجيش الفرنسي ١٨٦٠ و ١٨٦٢ وخريطة ١٨٦٠ كتب عليها ” خريطة توضح التنظيم الحالي للحكومة المسيحية في لبنان” واعتبر فكرة لبنان الكبير انطلقت من هون واعتبرها كمان فكرة فرنسية عنصرية لاقامة دولة مسيحية.
انا رح ردّ بوثيقة بتدحض فكرة لبنان الكبير انو هي فكرة فرنسية وانطلقت سنة ١٨٦٠.
هالوثيقه بتعود ل ٢٩ تشرين الاول ١٨٤٠ بعد مغادرة الامير بشير التاني لبنان وهي عبارة عن عريضة وجّها البطرك الماروني يوسف حبيش للسلطان العثماني وفيا ١٤ بند بيطلب فيا البطرك استقلالية الطائفة المارونية في ادارة شؤونها الداخلية ووو والبند ١٢ اهم شي وفيا بقول حرفيًا:
“إنّ الحاكم دائمًا على جبل لبنان (يعني جغرافيًا سلسلة جبال لبنان الغربية) وانتيلبنان(يعني السلسلة الشرقية) بحسب المعتاد القديم لا يكون إلّا مارونيًا …ويجب ان يكون ديوان الشورى في لبنان من أجل إدارة احوال الجبل ومصالحه”
بهالمادة ١٢ في جذور للبنان الكبير وهي انو البطرك حبيش جمع جبل لبنان اي السلسلة الغربية مع انتيلبان اي السلسلة الشرقي في دولة واحدة وشي اكيد سهل البقاع بيناتن وهيك وضع البطرك اول خريطة سنة ١٨٤٠ للبنان الكبير.
وإقامة مجلس بالشورى اي تمثيل كل الطوائف بالحكم
روح يا بدر لعاب بملعبك انت عامل حالك باحث ومؤرّخ
وسلّم على زوبعتك
لبنان ما انتهى انت وزوبعتك انتهيتو
والسلام
واجه☝️

رابط مقالة موزور التاريخ في الجريدة الملالوية الصفراء