يلي قطعوا ضهرنا وخربونا من سنة ١٩٨٩ بعدهم مكفيين وكلامي يطال المسؤولين الكذابين يلي هني بيحكوا بحقوق المسيحيين وبشكل خاص التيار والقوات رولا تلحوق/فايسبوك/26 تموز/2021
بغضون ايام قليلة انخفض سعر صرف الدولار بشكل عجائبي. ومتل كأنو عم بيقولولنا الخلاص جايي مع ميقاتي. دخلكم مش هو سرق أموال الإسكان؟ ومش على اساس القاضية غادة عون فتحتلو ملفو؟ يعني او بيجيبوا رئيس وزراء من محور الممانعة او من موت جوع؟ او بيأمنوا رئيس جمهورية من المحور نفسه وينفذلهم مخططاهم او من موت جوع وحرق بلا كهرباء؟ مش عم بخبركم شي جديد كلكم بتعرفوا انو ما عندنا اقتصاد وانه سعر الدولار وهمي وسياسي بس كيف السياسيين المسيحيين قبلانين انه شعبهم يموت؟ هوديك هدفهم انه نموت كرمال يستولوا على ما تبقى من لبنان. وين #حقوق_المسيحيين، وين #امن_المجتمع_المسيحي؟ وهلق لعبة منسمي او ما منسمي. منجتمع المساء مع أجواء إيجابية والصبح مننفي ومنقول ما منسمي. الحق على الناس يلي مصدقتهم بعد ومتأملة خير. رح ضيف شغلة لانه اجاني ملاحظة مهمة انا مش عم بطالب بحقوق فئة عن الأخرى انا بدي حقوق المواطن كل مواطن. ولكن كلامي يطال المسؤولين الكذابين يلي هني بيحكوا بحقوق المسيحيين وبشكل خاص التيار والقوات يلي قطعوا ضهرنا وخربونا من سنة ١٩٨٩ وبعدهم مكفيين.
