رابط فيديو/طارق الحميد وإبراهيم عيسى وقراءة في التسجيل الصوتي للرئيس عبد الناصر/التسجيل نُشر أمس، وهو نص حديث تلفوني بين عبد الناصر والقذافي، يقول فيه ناصر ما خلاصته إن الحروب مع إسرائيل عبثية، ومن يروجون لها هم أغبياء وشعبويون/مع نص وتسجيل المكالمة

رابط فيديو/طارق الحميد وإبراهيم عيسى وقراءة في التسجيل الصوتي للرئيس عبد الناصر/التسجيل نُشر أمس، وهو نص حديث تلفوني بين عبد الناصر والقذافي، يقول فيه ناصر ما خلاصته إن الحروب مع إسرائيل عبثية، ومن يروجون لها هم أغبياء وشعبويون.

حديث القاهرة/أجرأ تعليق من إبراهيم عيسى على تسجيلات الرئيس عبدالناصر خلال جلسة مباحثات مع القذافي
28 نيسان/2025

وفي نفس السياق رابط حلقة  اليوم للإعلامي طارق الحميد من العربية تتناول نفس الموضوع
رابط فيديو حلقة “وقت السياسة” لليوم  من محطة “عربية أف أم”،  من أعداد وتقديم طارق الحميد وهي تتناول تسجيل لجمال عبد الناصر يحكي فيه عن شعبوية وأوهام كل الذين يريدون محاربة إسرائيل ورميها في البحر مع قراءة للتسجيل للكاتب كامل الخطي

نص المكالمة الهادتفية بين جمال عبد الناصر ومعمر القذافي

اضغط هنا للإستماع للمكالة

عبد الناصر: العراق والسعودية يسعيان لإبقاء الوضع مع إسرائيل دون تغيير لدفع الوضع للانفجار في مصر واتفاق سعودي اسرائيلي على الخطوط الأمامية
قال الرئيس المصري الأسبق جمال عبد الناصر في حديث خاص مع الزعيم الليبي معمر القذافي في الثاني من أغسطس 1970 إن بعض الدول العربية، وعلى رأسها العراق والسعودية، تسعى لإبقاء الصراع مع إسرائيل دون تغيير، محذراً من أن ذلك يخدم المصالح الإسرائيلية على حساب القضية الفلسطينية.
وفي تسجيل للحوار بين الرجلين، أشار عبد الناصر إلى أن “العراقيين والسعوديين يريدون أن يبقى الوضع كما هو عليه لسنوات إضافية، مما يهدد بحدوث انفجار داخلي في الدول التي تتحمل أعباء المواجهة، وعلى رأسها مصر”. وأضاف أن “الهدف الحقيقي لبعض هذه الدول ليس تحرير فلسطين، بل الحفاظ على استقرار داخلي هش على حساب المقاومة الفعلية”.
وانتقد عبد الناصر ما وصفه بتقاعس بعض الجيوش العربية، موضحاً أن الجيش العراقي لم يشارك بفعالية، وأن اللواء السعودي المرابط أمام القوات الإسرائيلية كان يخضع لاتفاق يمنع الاشتباك المباشر. “مرّة اجتاز اليهود، انسحب اللواء السعودي، وعندما انسحب اليهود، عاد اللواء السعودي”، قال عبد الناصر، في إشارة إلى اتفاق غير معلن بين الطرفين.
وشدد الرئيس المصري الأسبق على أن “مصر تتحمل العبء الأكبر”، مشيراً إلى أن الجيش المصري كان يخسر نحو 1500 قتيل وجريح شهرياً في المواجهات، بينما لم تكن هناك خسائر تذكر لدى دول أخرى مثل العراق.
وتحدث عبد الناصر بصراحة عن القوة العسكرية الإسرائيلية، قائلاً إن تزويد الولايات المتحدة لإسرائيل بطائرات الفانتوم والميراج غيّر ميزان القوى بشكل خطير. وأوضح أن 125 طائرة جديدة ستمنح إسرائيل تفوقاً لا يمكن تجاهله، محذراً من أن رفض الحلول السلمية سيدفع واشنطن إلى زيادة دعمها العسكري لتل أبيب.
وفيما أكد عبد الناصر استعداده لقبول وقف إطلاق النار المؤقت لمدة ثلاثة أشهر ضمن مبادرة روجرز، انتقد موقف بعض القادة العرب الذين كانوا، بحسب وصفه، يعرقلون الحلول بينما يتركون مصر وحدها تتحمل أعباء القتال.
وقال عبد الناصر، بنبرة تجمع بين المرارة والواقعية، إن “الوضع أكبر من مجرد شعارات”، مضيفاً أن من يريد القتال “فليتفضل إلى الجبهة”، في إشارة واضحة إلى إحباطه من الدعم العربي الشكلي.
جانب من الحوار بين الرئيس المصري الأسبق جمال عبد الناصر والعقيد الليبي معمر القذافي في 2 اغسطس 1970 بشأن المواجهة مع اسرائيل ودور العراق والسعودية والدول العربية فيها.
جمال عبد الناصر: بديكم ايديا بتحطوا فيها الاغلال وتكتفوني .. يعني دلوقتي ايه بنقعد نكتف بس .. يعني حرام والله … يعني الناس بتموت وبتاع .. طب انا بس حتى الناس اللي عندي في البلد .. بيحسوا ان انا مش واخدهم ادبح فيهم بس لله .. يعني ايه يعني عندي 650 عيلة كل واحد .. كل عيلة فيها واحد او اثنين في الجيش .. اللي هي يعني حتى الناس هنا بيحسوا ان .. انا اذا كان في … إمكانية لحل سلمي ان موضوع الحرب والسلام ده موضوع كبير جدا .. يعني الواحد اما يقعد في اوضه ويكلم الحرب والحرب
والحرب ولكن الحرب موضوع اخر .. اليمن الجنوبي راحوا
لروسيا وقالوا لهم نرفض الحل السلمي في البلاغ الرسمي .. ورايحين يشتروا يعني طالبين منهم 10 طيارات وقد 50 دبابة … فقال لهم هتحاربوا ازاي يعني ده انتوا ما عندكوش حاجه طالبين
لسه 10 طيارات .. وهم لا احنا مش هنحارب .. الجمهورية العربية المتحدة هي حتحارب… مين دول اللي القحطان وال وال فكوسيجن بص لهم كده … وحكوا لي هم الروس الحكايه دي ما يا عم .. يعني مين اللي بيحارب النهارده احنا اللي بنقول بيقولوا علينا احنا الحل السلمي الاستسلامي.. مين اللي بيحارب .. محدش بيحارب غير يعني السوريين حاربوا 24 ساعة وبس اللي
هو يوم .. يوم ما كنا عندكم .. ومن يوميها ما حصلش طخ.. العراقيين مفيش .. الاردنيين مفيش .. الجيش السعودي فيه
لواء قدام اليهود لكن في اتفاق .. في اتفاق .. يعني اول اليهود ما عدوا مرة الجيش السعودي … انسحب اليهود رجعوا رجع اللواء السعودي .. يعني .. وديان قال والله مره تصريح بهذا الشكل قال للناس يعني احنا لظروف سياسية ولا علاقتنا بامريكا بالنسبة للبنان وبالنسبة للاردن ما نقدرش نصعد اكثر من كدة.. اما مصر فهي مباحه لينا .. تحب ندخل في المزايدات ونقول الحرب الى
اخر راجل وابطل هنا .. انا ببعت .. بتفق مع جولد مائير ابعت لها بكره .. واتفق معاها على وقف اطلاق النار الى الابد .. بتوافق سرا ولا نعمل زي ما بيعملوا يعني مستعد.. وببقى انا راجل منافق ولا ارضى ان اقعد 24 ساعة اذا مكنتش ضميري مقتنع .. ابدا .. انا مش عارف .. عشان الرئاسه رئاسه ايه .. وبتاع ده هنا الرئاسه عندنا غلب .. يعني الواحد لازم ضميره يكون مقتنع .. الحقيقة .. وبرده الناس هنا انا عليا مسؤولية بالنسبه ليهم ناسنا ناس طيبين وانت شفتهم لما جيت هنا الدور اللي فات لاول مرة شفت الناس … عندنا في الاسبوع خساير 300 ما بين قتيل وجريح او اكثر .. طب الى متى وفين وهو بيقول اللي اتفقنا عليه
.. طيب اتفقنا وهنخطط .. طب مين يضمن لي انا قايل له في الرد .. مين يضمن لي ان هذا الكلام حيتنفذ .. لاثق فيه انه حينفذ كلامه .. انا لا أثق فيهم يعني هؤلاء الناس .. كلهم..
صوت غير مفهوم
جمال عبد الناصر: لا يعني ايه واحد .. وقايل له انا في وشي احنا فيدي ما
القذافي: ما سمعنا الا من الخطاب
القذافي: وانتم هتشاور معاكم ليه انا قلت لكم ان انا ايدي مفتوحه وان .. انا .. هل الحل السلمي لكم اعتراض عليه وهل
كذا .. قلتوا لي الحل السلمي احنا يعني مالناش رأي فيه ونعمل وحدة وانت تمشي في الحل السلمي .. وحصل من .. حصل منك هذا الكلام .. وحصل من الأتاسي .. وقدام قدام اخ طيب ايه
اللي جد النهارده؟ ما هو روجرز بيقول الآتي .. وقف اطلاق النهار ثلاث اشهر … احنا الوحيدين اللي ألغينا وقف اطلاق النار .. الكلام الثاني اللي هو ترتيبات السلام والانسحاب … هذا في قرار مجلس الامن اللي هو تنفيذ قرار مجلس الامن بحذافيره .. ما في حاجه جديده حتى نتشاور فيها مع اي حد يعني .. يعني .. وبعدين انا عارف .. يعني اذا تشاورت في هذه الامور انا عارف العالم العربي كويس .. حيكتفوني تكتيفة لا اول لها ولا اخر وهيقولوا انه تشاور معانا ورفضنا ورغم رفضنا احنا .. هو ضرب برائينا عرض الحائط وعمل اللي عايز يعمله … يعني اصل دي مش اول مرة يعني .. ياما ما تشاورت سنة 55 في حلف بغداد معاهم وكل .. وبعدين ناس نيتهم ضدنا نية سيئة هم هدفهم الوحيد ان يحاربونا ويقضوا علينا فكيف اتشاور معاهم؟..
وبعدين انا في ليبيا متكلم معاكم على مشروع روجر وقايل لكم ان جاينا مشروع روجر .. انه تنفيذ مجلس الامن وما فيهش حاجة جديدة
القذافي: لكن فاهمين ان هو مرفوض .. يعني حتى من كلامك في
جمال عبد الناصر: من كلامي انا
القذافي: في طرابلس
جمال عبد الناصر: في بنغازي .. في الخطاب ..
القذافي: اه هو اللي قلت ان ضرب سينا ..
جمال عبد الناصر: ده ده هل معناه ده الربط يعني ان انا قلت ان بالنسبة للانسحاب بنطلع يعني الجولان قبل سيناء .. لأن يومها راديو لندن قال ان قرار مشروع روجرز بيقول الانسحاب .. الانسحاب 20 كذا وعدم اعادة الجولان فانا وقفت رديت على مشروع روجرز وقلت الجولان قبل سيناء وكذا وكذا .. وبعتولي هم بعد كده وقالوا انه مستعدين لجولان اذا سوريا قبلت .. انسحاب من
الجولان .. والامريكان يوم 28 بعتوا لي رسالة
مسافرت موسكو 29 وقالوا انهم هم جادين وان يعني .. الانسحاب من كل الاراضي .. وهم عايزين في هذا ان الروس يمشوا .. ده اللي واضح .. مش عشان قوتنا الذاتية بتاعة العرب .. ما في قوه ذاتية للعرب تخليهم يعملوا هذا الكلام .. والا كانوا عملوا من
ثلاث سنين 67 و68 و69 وما تحركش الامريكان خالص .. فاذا جاللي النهارده وانا بقالي ثلاث سنين اطالب بتنفيذ قرار مجلس الامن واسرائيل ترفض .. انا طالبت ألف مرة وإذا جالي هو النهارده بيقول ان هم مستعدين يحركوا الموضوع وينفذوا قرار مجلس الامن .. كيف ارفض؟! .. وبعدين رفضي كمان حتى .. انا بقول ان انا قبلت والسلام بعيد 99.5% رفضي هيفيد
اسرائيل سياسيا وعسكريا .. 120 ال 125 طيارة اللي تاخذهم اسرائيل .. الطيارة الفانتوم بست طيارات ميراج .. كلام قائد القوات الجوية .. انها بتشيل 7 طن .. الاسرائيلية.. فهدي 125 طيارة بيغيروا الموقف في المنطقه تغيير لا اول له ولا اخر الحقيقة
القذافي: انت بتتوقف امريكا على تزويد
اسرائيل بالسلاح
جمال عبد الناصر: النهاردة امريكا لو تدي دي
اسرائيل سلاح بعد ما ردينا .. وهم قالوا انكم
اذا رديتوا ايجابي مش هندي .. اذا رديتوا
سلبي حندي.. احمد حسن البكر ماضربش ما فيش طيارة سكاي ووك راحت ضربت احمد حسن البكر ولا قوات
القذافي: امريكا ادت اسرائيل سلاح بعد
جمال عبد الناصر: لا اذا امريكا أدت اسرائيل سلاح بيبقى موقف اخر .. يعني اذا اديتهم طيارات بيبقى موقف اخر .. يعني هنا .. انا رايي ان الكلام ده كله لن ينجح بتاع الحل السياسي ..
القذافي: هي حتمدهم السلاح ..
جمال عبد الناصر: حديهم طيارات ..
القذافي: هي طالما ما احنا بنشتري سلاح من روسيا .. امريك حتدي سلاح لاسرائيل
بيجي حطش طرط توقفوا انتم مع اخذ السلاح
مصر عشان نوقف السلاح عن اسرائيل
جمال عيد الناصر: لا هم اشترطوا هذا الشرط زمان واحنا رفضناه .. الدور ده مش جايه سيرته .. الدور ده جاي وقف اطلاق النار ثلاث اشهر .. وده موضوع ينطبق علينا ولا ينطبق على العراق لان العراق والاردن قابلة وسوريا قابلين وفي وقف في اطلاق نار هناك .. احنا اللي بقينا دلوقتي سنة و ونص .. عملنا هذا الموضوع
الموضوع الثاني اللي هو إعلان يارنج بترتيبات السلام والانسحاب كل ده في قرار مجلس الامن تنفيذ قرار مجلس الامن بكل حذافيره اذا ما هو الجديد في الموضوع .. وما هو الجديد حتى نتشاور فيه .. يعني انا حتى في الوحدة في هذه المواضيع لو في وحدة بيني وبينكم وبين سوريا .. شرطي الاساسي كان في بنغازي انكم ما تكتفونيش لان ده موضوع البلد بتاعتنا غير .. ظروفنا غير ظروفكم .. احنا جزء من بلدنا محتل الناس بتقبل ثلاث سنين هذا .. هتقبل أربعة ولا لا .. هتقبل خمسة ولا لا انتوا بلدكم مش محتلة وظروفكم في هذا اصلح مننا .. العراق مش محتلة .. وانا في رايي ان العراقيين عايزنا والسعوديين وايضا ده كلامهم مع الامريكان .. عايزين الموقف يبقى على ما هو عليه كمان سنة او اثنين او ثلاثة لان ده هيعمل نوع من الانفجار عندنا في الداخل وهذا ما يقصد اليه العراق ولا يقصدوا قضية فلسطين باي شكل من الاشكال .. يعني انا الحقيقه بسيبك معاهم بتمشي لغاية ما تجرب بنفسك يعني انا جربت وشفت وعارف أساليبهم.. العملية عايزين الموقف الحالي يبقى على ما هو عليه .. طب انا حتى بالنسبة للناس بتوعنا اذا الموقف الحالي بقي على ما هو عليه على الاقل بثبت لهم ان انا لم اترك فرصة تضيع وبهذا لان … اولادهم هم اللي اللي موجودين في القتال وفي الجبهة اذا كان العملية بقول لهم ان انا هاخد ولادكم اجذرهم .. لان انا راجل عنيد ولازم احارب وكذا .. الناس هنا برض كل .. اللي عنده ابن
في الجيش عنده ابن .. انتم بتعرفوا يعني هذه
العمليات .. انا الناس بتوعنا بقول لهم يا
ناس انا مستعد لاي حاجة اذا كان في حل
سلمي راضي بوقف اطلاق النار وانا بقصد برضو الجبهة الداخلية.. حل سلمي … عودة الاراضي كذا انا راضي مستعد اتكلم فيه بس كان ما فيش كده بقى فكتب علينا القتال هو انا هعمل ايه بعد كده الحقيقة .. هذا موضوع بالنسبه لناسنا هنا موضوع مهم جدا الحقيقة لكن ناسنا هنا .. وعندي يعني عندنا في الشهر خساير 1500 في الشهر قتيل وجريح يعني .. 1500 قتيل وجريح .. بالنسبة لناسنا هذا موضوع بيقعد سنه او بيقعد او سنتين وبتاع لكن ماذا بعد ذلك .. احمد حسن البكر ما عندوش ولا جريح واحد .. يعني الموضوع الحقيقة اكبر جدا من الشعارات خالص .. والله في الاخر اذا كانوا عايزيني انا يعني بسيبهم بسيب مسؤولياتي العربية ويتفضلوا .. بيتفضلوا يعني لو لو العالم العربي كله .. لو الدول العربية كلها قالت احنا هنمشي ونقول ما لناش دعوة ويتفضلوا يحاربوا في الجبهة الشرقية ونبقى الحقيقة .. يعني اللي عايز يقاتل يتفضل يقاتل .. والي عايز يحرر يتفضل يحرر لكن هم مش قاعدين يعني يناضلوا بالكلام وبالخطط والعمليات دي .. واحنا
بنحارب .. او الوضع الثاني بكرة برد على جولدا مائير زي ما بيردوا وهي قالت ان في رد .. في
ناس ردوا عليها .. واتصلت بناس وردوا عليها
دي تصريحاتها .. وقالت ان احنا ما رفضنا ان
احنا نرد .. اننا يعني مستعد وقف القتال .. بعتوا لي هم عشان وقف القتال وسكويتي من غير اعلام بس الى يعني الى ما لا نهاية ما رديت والله على هذا الكلام .. بعتوا لي بواسطة.. جاللي هنا قابلني برسالة من تشاوشيسكو نائب وزير خارجية رومانيا وقال لي .. قلت له والله احنا هذه المواضيع نشكركم على جهدكم ما برد .. ممكن بكرة انا ببعت له اقول له جولدا مائير ان انا بقبل وقف اطلاق نار الى الابد وزي ما هم عاملين الاخرين .. ونفضل قاعدين بهذا الشكل .. تحت رحمة الدعم .. السعودية بتقول لا بتدفع ما بتدفعش عشان ندفع ابعتوا الوزير يجي .. مش هو ده الوضع اللي احنا فيه؟