بسبب حزب الله وجودنا وجغرافيتنا وديمغرافيتنا بخطر… ونحنا هلق عم نتلهى كيف بدنا نعمل معه حوار المهندس الفراد ماضي/01 آذار/2025
وجودنا بخطر…جغرافيتنا بخطر… ديمغرافيتنا بخطر…وكلو بسبب حزب الله …
ونحنا هلق عم نتلهى كيف بدنا نعمل حوار مع حزب الله …
شو صاير بالسيادييين بهالايام؟؟؟
هل بشير صار متل حسن نصرالله!!!
هل يلي بيدافع عن كل لبنان بوج منظمة التحرير الف.ل.س.ط.ي.ن.ي.ة والسوري والليبي والعراقي ووو… متل يلي بيتواطئ وبيتحالف مع الفلسطيني والسوري والايراني وتوابعن؟؟؟
هل يلي رفض يمضي من دون شريكو المسلم متل يلي مضى عالبحر والنهر والجو والبر والحرب والسلم وكمان البشر والحجر من دون علم لا الحكومة ولا المسؤولين ولا الشعب؟؟؟
عن جدّ عيب …
يا عمي تذكروا شو صار فينا وقت يلي اعتبروا انن ربحوا بعضلات غيرن؟؟؟
قسم بعتون ع المنفى… وقسم
حطون بالحبس… والبقية همشون … بس الكل تحقيق وقهر وتعذيب وملاحقات وغيرو وغيرو وغيرو…
بس ما حدا فكر يتحاور معنا!!!
بل الكل اعتبر انو البلد بالف خير ، لا بل انو هيك احسن!!!
اليوم المطلوب:
حل ح.ز.ب الله ومحاكمة قياداتوا لانن خربوا طايفتن وهجرون وهدمولن بيتون، وبدن انو الشعب اللبناني كلو يدفع ثمن فشلن وفشل معلمينن الايرانيين…
لا حوار مع حزب الله قبل ما:
يسلم سلاحو
يتخلى عن عقيدة ولاية الفقيه
ويتحاكموا قياداتوا
ويقطع لبنان علاقاتو مع ايران، وتدفع ثمن كل الخراب المادي والمعنوي يلي سببوا للشعب اللبناني …
ما في حوار قبل ما نستأصل المرض يلي كان مانع الحوار.
ساعتها الحوار لازم يصير مع الشيعة الاحرار يلي وقفوا بوج الحزب كل هالسنين ويلي هلق دورن يكونوا جزء من لبنان الجديد ومن اعادة الاعمار…
