أحزاب شركات … وزلم هوبرجية ع العمياني
الياس بجاني
28 كانون الثاني/16
فعلاً، نيال الزعماء أصحاب شركات الأحزاب اللبنانية بزلمهم والأتباع والهوبرجية…
وين ما بدون الزعماء بيروحوا وبيمشوا وراهون الزلم والأتباع ع العمياني…
ع الضاحية لعند السيد وقاسم بيروحوا…
ع الشام … ع سوريا الأسد …وع براد بيروحوا…
ع القرداحة كمان بيروحوا…
ع الطائف بيروحوا وراحوا…
ع طهران بيروحوا…
ع الرياض كمان بيروحوا…
ع الدوحة بيروحوا…
ع انقرة والقاهرو بيروحوا…
ع غزة لعند حماس راحوا…
ع جهنم.. بيروحوا..
زلم مطيعين ما بيردوا لرئيس الحزب طلب….
سبوا فلان بيسبوه…
حبوا فلان بيموتوه من التبويس..
مجدوا بفلان بيمجدوه…
خونوا فلان بيخونوه وبيلعنوا سلسفيلوه…
وتماما متل ما صاير اليوم بين ربع وزلم وهوبرجية أحزاب 14 آذار … من غير شر وبدون صيبة عين وحسد!!
زلم واغنام مطيعين ع الآخر ومطرح ما بدو الزعيم ورئيس الحزب الشركة بيروحوا وراه متل الغنم وع عماها…
بيروحوا وبيهوبروا بالروح وبالدم منفديك يا زعيم!!
طيب هيك شعب غنمي وين ممكن تكون نهايته؟؟
النهاية أكيد بالمسلخ …
والله يساعد ويشفي كل لبناني قاتل حاسة النقد عندو مقتولي، ومخدر ضميره، وبايع حاله للشياطين، وقابل بوضعية الغنم.
مع هيك هوبرجية وزلم، قمح بدك تاكلي يا حني.
وكاسك يا وطن في زمن تعتير ومحل وبؤس.
*الكاتب تاشط لبناني اغترابي
عنوان الكاتب الألكتروني
Phoenicia@hotmail.com
في أسفل فهرس صفحات الياس بجاني على موقعي المنسقية الجديد والقديم
فهرس مقالات وبيانات ومقابلات وتحاليل/نص/صوت/ بقلم الياس بجاني بالعربية والإنكليزية والفرنسية والإسبانية
