الناشطة ندين بركات إلى سمير جعجع: هيدي الحقيقة، ويلي مش عاجبه، هو حرّ. بس ما بقى تستهبلونا! بيكفّي

الناشطة ندين بركات إلى سمير جعجع: هيدي الحقيقة، ويلي مش عاجبه، هو حرّ. بس ما بقى تستهبلونا! بيكفّي!
الناشطة ندين بركات/موقع أكس/28 أيلول/2026
جواب على بيان سمير جعجع المتناقض والفارغ ..
ويرجى من “علاليش القوات” ما ينهاروا. بس كلمة حقّ رح تنقال، عجبكم او ما عجبكم.
حكيم انتو بالشعارات فيكم وبدكم …
بس بالفعل، ما فيكم ولا حتى بدكم.
شو الفرق بين جبران “ما خلونا”، وانتو “الدولة العميقة” عم تعرقل البلد.
لما سالوك يا حكيم عن الدولة العميقة، فسّرت الميّ بالمي، قلتلن الدولة العميقة.
الدولة العميقة يا حكيم، هي هذه المنظومة بكاملها يلي انتو جزء فيها، بدءً برئيس الجمهورية يلي عم تشيدوا فيه انت وسامي الجميل، مروراً برئيسي مجلس النواب والحكومة يلي بتشيدوا فيهم كمان وخاصة ستريدا “ودولته”، والوزراء والنواب والمديرين العامين وقائد الجيش وجميع الأجهزة الامنية وكل الأحزاب المشاركة.
هذه هي الدولة العميقة.
أنا رح اسألك يا حكيم: عم تحمّل مسؤولية العرقلة لنعيم قاسم اليوم، بس من كم شهر كانت المسؤولية على الدولة العميقة؟!
يعني هل عم تقول اليوم انه الدولة العميقة هي نعيم قاسم؟ او مش عارف مين المعرقل؟
طيب عم تلوم نعيم قاسم، إذا انت نفسك معترف فيه حزب سياسي وما عندك مشكلة بوجوده السياسي بس كنت عم تفكّر تحظره إذا ما سلّم سلاحه، طيب منحكيك بمنطق الدولة والدستور يلي حضرتك خالفتهم كمان يا حكيم:
– كيف يمكن التوفيق بين قرارات مجلس الوزراء التي اعتبرت هذه المجموعة خارجة عن القانون وطلبكم بأن تنضم المجموعة ذاتها إلى العمل السياسي؟
– كيف يمكن التوفيق بين النظام اللبناني البرلماني والديمقراطي وعقيدة هذه المجموعة الدينية والسياسية التي تنادي بتحويل لبنان إلى مقاطعة إيرانية تحت حكم ولاية الفقيه ؟
– أليست هذه خيانة عظمى بحق لبنان والدستور؟
– كيف يمكن التفريق بين كيان عسكري وآخر سياسي داخل منظومة يحكمها علم السلاح وعقيدة قائمة بأساسها على العمل المسلّح وشعارها السلاح ؟
– اين هي السياسة في هذه المنظومة الامنية والعسكرية التي يديرها الحرس الثوري الايراني؟
– ثم اين نحن من مبدأ المحاسبة والمساءلة ؟
او عفى الله عما مضى ؟
الأزمة المالية مش حزب الله وحده المسؤول عنها، بل جميعكم شركاء، وسكتّوا وحطيتوا رياض سلامة بالحبس.
بخصوص الخارجية: عم تقول يا حكيم انه الخارجية رجعت لبنانية بشهادة الأكثرية، بس نعيم قاسم مصادر قرارات الدولة. طيب مش جوزاف عون ونبيه بري قرروا يكسروا قراره بموضوع السفير الإيراني وجدّدوله مدّته؟
بس يا حكيم انت لما كسروا كلمة الوزير ما حكيت ولا كلمة وسكتت ووافقت على المهزلة يلي صارت وجيشك الاكتروني سدّ نيعه كمان.
لا بل عم تدعم رئيس الجمهورية وماشي التبييض معه! هو نفسه يلي رفض وجود القوات بالحكومة وما دعاك على زيارة البابا!
كيف فيك تلوم نعيم وتبيّض لجوزاف عون وبرّي؟
يا حكيم، انتو بشهر ١٢-١-٢ انشغلتوا بالانتخابات، وعملتوا حملة على نبيه لانه سكّر المجلس كرمال الانتخابات، نسيتوا السلاح ونسيتوا انه نحن على اللايحة الرمادية. نسيتوا الدولة والاصلاح والمحاسبة. ما شفت انه رح يصير حرب ثانية وقريبا الثالثة. تطبيل ماشي ومصالحكم اولوية . ضيّعت وقت يا حكيم يعني انت شريك بالتقاعس.
وبشهر ٥ سنة ٢٠٢٥ التهيت بانتخابات بلدية جابت اكثر من ١٥٠ بلدية بالتذكية لحزب الله! مش كان افضل نزع السلاح وقتها وتجنب الحرب؟ يعني انت شريك بالمماطلة.
يا حكيم بعدك بتحكي بمواجهة إسرائيل كدولة؟ بدل ما تقول بدك سلام؟ بعدك معوّل على السعودي والفرنسي؟ بعدك معوّل على الدول العربية؟
طلّعت السعودية خبر قديم عن ضرب مكة، ولا دولة عربية تضامنت مع مكة المهددة! على شو رابط لبنان بالسعودية والدول الصديقة؟ وين في دولة صديقة؟
سمّيلي لشوف! فرنسا صديقة؟ مين الصديقة؟ السعودية ساعدت ايران تنفذ اجندات بلبنان مقابل ايران تحلّ عنها. جابت اليسار ونواف وجوزيف، تدخلت بتعيينات القضاء والأجهزة!
شو النتيجة؟
يا حكيم كل دولة عربية بدها مصلحتها ومصلحة شعبها، حاج حاملين لبنان متل النورية يلي بتشحذ على ابنها الجعان. نحن ما بدنا حدا يساعدنا، بدنا نرتاح من كذبكم بقى!
انتو فشلتوا وكذبتوا وقبلتوا تكونوا مرتهنين لهون وهون… صار وقت تلتزموا الصمت احتراماً لجماعتكم ومناصرينكم، وأنفسكم.
يا ريتك حكيت عن تقاعس الدولة بنزع السلاح، وفقدان الهيبة، وشكرت إسرائيل انها نزعت سلاح بشكل كبير…
ويا ريتك طالبت بالسلام، واعترفت انكم غلطتوا بحق الشعب والمسيحيين والبلد. لانه بالنهاية كل انسان بيغلط، ويلي بيميّز الادمي عن الازعر هو الاعتراف بالخطأ مش التمادي بالكذب.
وبعد البحث والتدقيق، التيار والقوات والكتائب هني مجرّد ادوات فرّق تسد لضرب المكوّن المسيحي وتقويض مناصب المسيحية لصالح المحور التركي العربي الايراني اليساري.
بدك تجيب حزب الله ع السياسة ومن دون حساب ومحاكمة ع كل الجرايم والحروب والغزوات يلي عملها….معقولي بأي دني انت عايش؟ وضب ملحم الرياشي وبيكفي تودي مكاتب ورسائل عن طريقو لإيران وحزب الله..ما في شي مخبا انت وبري وجورج عدوان سمن ع عسل.
هيدي الحقيقة، ويلي مش عاجبه، هو حرّ. بس ما بقى تستهبلونا! بيكفّي!
زيادة لعيون السياديين، والحكيم تحديداً: هيدا نواف الهبيلة يلي بتشيدوا فيه وبإنجازات الحكومة اليسارية المقززة تبعه، حكومة حزب الله .. هيدي حكومة “الدول الصديقة” جابتلكم ياها … حكومة سوروسية ايرانية تركية قطرية فرنسية هندسها الحج يزيد.
اجا نواف على واشنطن، طالب بجدول زمني واعادة اعمار وانسحاب اسرائيل وبسط سيادة الدولة وإغاثة وتعافي …
شو الفرق بين كلام نعيم وجوزاف عون ونواف سلام ؟ ال٣ بدهم انسحاب اسرائيل وما عم يعملوا اي خطوة لنزع السلاح.تفضلوا خبرونا لنشوف! ليش بتهجموا على نعيم (شعبوية) وبتزقّفوا لهالبلا مخ يلي بتسمّوهم دولة ومشاركينهم؟!
,Quote Samir Geagea
Replying to @DrSamirGeagea
أما لجهة قول الشيخ نعيم إن «الناس في لبنان يتفاهمون مع بعضهم»، فهذا تحديدًا ما حصل في السنتين الأخيرتين، حيث تفاهم الناس مع بعضهم من خلال كل ما جرى في المجلس النيابي، من انتخاب رئيس للجمهورية، وتكليف رئيس للحكومة، وتشكيل حكومة حازت على ثقة المجلس النيابي للمرة الثالثة منذ أسبوعين