حزب “القوات” يحاول حشر نفسه في المشهد بعدما أخرجه سمير جعجع منه بنظرية “أوعى خيّك” السخيفة إيلي الحاج/فايسبوك/2019
وأيضاً بقراره غير المفهوم ولا المعقول بتأييد ترشيح الجنرال ميشال عون للرئاسة، وهو أكثر واحد في لبنان وخارجه يعرف من هو ميشال عون. وكم يُضحك تذكر الخبرية المعرابية آنذاك أن ميشال عون سوف يبتعد عما يُسمّى”حزب الله” بعد وصوله إلى رئاسة الجمهورية!
أذكر ذلك بأسف كبير على وضع مجموعة وزراء و١٥ نائباً وقاعدة طويلة عريضة أصفارأ على الشمال في المعادلة بقرار مرده إلى إعطاء الأولوية للمصلحة (ورقة المحاصصة المعيبة مع جبران باسيل) على حساب كل ما هو مبدأ.
بالنسبة إلي، قبل ذهابه إلى خيار التحالف مع ميشال عون وجبران باسيل كان سمير جعجع “رجل مبدأ”. صورة انهارت فجأة أمام قالب كاتو كبير وكؤوس شمبانيا مرفوعة في لحظات شؤم على لبنان.
وفوق ذلك لم يعترف يوماً بأنه أخطأ خطأ فادحاً وأهدى رئاسة الجمهورية إلى “حزب الله”، وبحماسة كبيرة وتخوين لمن لا يوافق على هذا المنحى الانتحاري لا يُنسَيان.
قصة سليمان فرنجية إنو كان رح يصير رئيس أسطورة إيلي الحاج/فايسبوك/16 كانون الأول/2019
قصة سليمان فرنجية إنو كان رح يصير رئيس أسطورة،
متل خبرية إنو دين براون قال للزعماء المسيحيين بحرب السنتين إنو البواخر الأميركية جاهزة لترحيل المسيحيين عن بلادهم.
وتبين إنو الرئيس سليمان فرنجية اللي ضل متشبث بهالخبرية فهم الكلام غلط. وما كان يعرف انكليزي.
وكان دين براون عم يقول للرئيس كميل شمعون إنو البواخر الحربية الأميركية ما رح تجي على لبنان متلما صار بال ١٩٥٨.
سليمان فرنجية متلما تبين بعدين ولا يمكن كان يصير رئيس وقتها.
ونصرالله كان واضح وعند كلامه لما قال : بدكن رئيس روحوا انتخبوا ميشال عون.
أما سامي الجميّل فهو بنفسه أكد لي إنو مستحيل ومش واردة عنده أبدا ينتخبو نواب الكتائب سليمان فرنجية، بصرف النظر عن الصداقة معه ، لأنو من ٨ آذار، وما بينتخبو لا فرنجية ولا أي مرشح غيره من ٨ آذار. وأنا بصدقه.
الباقي فيكن تتمسكو بالأسطورة اللي خبروكن ياها قد ما بدكن.
ودين براون كان بدو ياخد المسيحيين بالبواخر اذا بدكن. حتى لو كذّب هالأسطورة فؤاد بطرس بمذكراته.
في حدا بيقرا
