رابط فيديو بوكاست من “موقع بيروت24” مع الكاتب والمخرج يوسف ي. الخوري/ إذا نجحوا على العهد السلام.. قراءة في ما يحدث في الجنوب وفي بيروت والمناطق… من المسؤول، وما هو الهدف.
29 كانون الثاني/2025
على العهد السلام…
الكاتب والمخرج يوسف ي. الخوري
بالمقابلِه مع الست الظريفِي الطريفِي سميرة منيّر قِلت: “على العهد السلام”. المسؤولين بِ موقع “بيروت 24” عَنوَنوا لِ مْقابلِه بهالعبارة، وبما إنّو شعبنا ميّال للتشويق والإثارة، ما بقي حدا شاف العنوان إلّا تلفن يستفهم: “شو!!؟ عم تنعي العهد؟”
الله وكيلكن كلّن قريوا العنوان وما حدا سمع لِ مقابلِه؛ “شو قصدك؟”
يا خيّي ما قصدي شي، وليش كلكن عم تفهموها بطريقة سلبيِّه!!؟
على العهد السلام فيك تفهمها بأكتر من طريقَه:
– “على العهد السلام” فيها تكون بمعنى التحيِّه للعهد، يعني متل السلام عليكم.
– وفيها تكون بمعنى دعاء، يعني متل على العهد الأمان، أو عليك الأمان.
– وكمان فيها تكون بمعنى “على العهد، السلام”، يعني الذهاب إلى السلام مع إسرائيل، لأ عفوًا، مع نيكاراغوا.
– وفيها تكون عاللبناني متل ما بفكري وبفكركن، يعني متل “على الدنيا السلام”، وبطريقة أوضح: أكلنا هوا. اللي بيهمّوا يعرف شو قصدي، لازم يتواضع ويحضر لِ مقابلِه، وطولها اقل من عشر دقايق، ومعبّايي منيح! إنتو بتسمعوها بعشر دقايق، أنا تَ سجّلتها طرقت مشوار عَـالأشرفيّة من آخر الدني، يعني مينيموم 3 ساعات رَوْحا ورجعا، بس عَ قلبي متل العسل، بتعرفوا ليش؟ لأن الشبيبة بِ “بيروت 24″، مهضومين وبشوشين، وأهمّ شي بيخلوني دخّن، وكلّن بِـيدخنوا معي.
يا خيّي ما قصدي شي، وليش كلكن عم تفهموها بطريقة سلبيِّه!!؟
على العهد السلام فيك تفهمها بأكتر من طريقَه:
– “على العهد السلام” فيها تكون بمعنى التحيِّه للعهد، يعني متل السلام عليكم.
– وفيها تكون بمعنى دعاء، يعني متل على العهد الأمان، أو عليك الأمان.
– وكمان فيها تكون بمعنى “على العهد، السلام”، يعني الذهاب إلى السلام مع إسرائيل، لأ عفوًا، مع نيكاراغوا.
– وفيها تكون عاللبناني متل ما بفكري وبفكركن، يعني متل “على الدنيا السلام”، وبطريقة أوضح: أكلنا هوا. اللي بيهمّوا يعرف شو قصدي، لازم يتواضع ويحضر لِ مقابلِه، وطولها اقل من عشر دقايق، ومعبّايي منيح! إنتو بتسمعوها بعشر دقايق، أنا تَ سجّلتها طرقت مشوار عَـالأشرفيّة من آخر الدني، يعني مينيموم 3 ساعات رَوْحا ورجعا، بس عَ قلبي متل العسل، بتعرفوا ليش؟ لأن الشبيبة بِ “بيروت 24″، مهضومين وبشوشين، وأهمّ شي بيخلوني دخّن، وكلّن بِـيدخنوا معي.
المفتي المفتري بإمتياز السِيخ أحمد قبلان، صار اليوم بدّو يوعظنا بالوطنيِّه
الكتب والمخرج يوسف ي. الخوري/فايسبوك/29 كانون الثاني/2025
المفتي المفتري بإمتياز السِيخ أحمد قبلان، صار اليوم بدّو يوعظنا بالوطنيِّه وبدّو يانا نتضامن ونكون إيد وحدي بمواجهِة اللي عم يصير فينا بالجنوب، ونسي صاحبنا لمّا كان عـالرايح والجايي بِـيوزّع علينا تهم عمالة من أميركا لإسرائيل!!! هلّأ صار بدّو يحط إيدو بإيد العملا!
وصاحبنا المفتري، بدّو حكومِه ميثاقيِه، ونسي إنّو هوّي لْ قايل إنّو لبنان هوّي وديعة للموارنِه وصار لازم نخلص من هالصيغة ومن اتّفاق الطائف اللّي بِ مقدّمتُه بـيحدّد إنّو لبنان وطن نهائي لكل اللي عايشين عَ أرضُه!!
أنا بلشت شِك إنّو المفتي المفتري السيّء ذكرُه سقيوه شي ببكركي لمّا طلع عـالقِمه الروحيّه لْ كانت بلا روح!!!
عفوًا، بدّك ميثاقيِّه!؟؟
لا، وطويلِي عَ لسانك اللي ما كنت تعرف تصونُه ولا يوم! مش هلّأ!
لِ حكومِه ما لازم تقبل تعمّر متر مربّع واحد بالجنوب إذا ما بتشحط أمثالك وبتبلّش تلمّ السلاح من إيديكن المجويّي.
لِ حكومِه ما لازم تتطلّع بالمصيبِه اللي جماعتكن واقعين فيها قبل ما تعبّي لِ حبوسي بزعرانكن لْ خارجين عن القانون.
لِ حكومِه ما لازم تشوف النور إذا ما رح تتعامل معكن على انكن مخربين وإرهابيي.
فكّوا عن لِ حكومِه قبل ما يجي مين يفك رقبتكن أكتر، وتركوا شعب الشيعة يعيش.
وهيدا الكلام علّينالو سقفُه تَ يسمعوا المسؤولين بالأحزاب اللي مفترض إنّن من سلالة الجبهة اللبنانيِّه.
مقاطع الفيديو المرفقة بتعبّر بأقل من تلات دقايق عن رأيي بالتخبيص لْ صاير.
يُمكن متابعة المقابلة الكاملة على الرابطين التاليين:
موقع Spot Shot: https://www.youtube.com/watch?v=qUML7bzHqfI
موقع Elias Bejjani News: https://eliasbejjaninews.com/2025/01/139543