لأيمتن الخنوع والنطره عضفة النهر… العصيان المدني اليوم قبل بكرا. ادمون الشدياق/فايسبوك/20 أيلول/2024
لأيمتن لح بيضل الذل وقلة الكرامة والعنفوان والخنوع مقبول ونحنا هويتنا عم تتغير وتاريخنا عم يتشوه … كل ساعة بتنحط على المشاركة باي عمل دولتي تنضل جزء ومدحوشين وممثلين بهالنظام يلي كان بيئة خصبة لنشؤ حزب الله وكل هالفساد والذمية والارتهان لازم ينحط على عصيان مدني وتأليف حكومة ظل ترعى المقاومة ضد الاحتلال الايراني واذنابه بلبنان .
لازم كل ايد بتنمد على لبنان والشعب اللبناني او اي شخص لبناني حر وسيادي تنقطع من باطها.. الذل اصعب بكثير من الموت لأنه الموت شي جسدي وكلنا لح منموت يوم من الايام لكن السكوت عن الكف موت معنوي اصعب ببليون مرة من الموت بالجسد وهو موت للعنفوان والقضية اذا ما نرد عليه.
هويتنا هي حياتنا واهم حتى من ارضنا، وبلدنا ما بيسوى شي بدون هالهوية ومنشان هيك اذا لبنان بدو يكون بلا هويته اللبنانية بلاه وبلا وجوده.
الشيخ بشير علمنا بخضم وبنص دين الخرب العسكرية لما كانت الوف والوف عم تحارب ضدنا بحرب إبادة، انه الخطر وحتى بخضم هالحرب مش على( كيان لبنان ولكن على هويته ) ومنشان هيك هوي عمل القوات تتكون رأس المقاومة عن هالهوية.
نعم للعصيان المدني ضد نظام مسخ الدويلة ، نعم لأنشاء حكومة ظل ضد حكومة مسخ الدويلة ، نعم للمقاومة حتى تحرير لبنان وانقاذ الهوية اللبنانية التعددية الجامعة للكل تحت مظلتها لوحدها. هوية مميزة غير منعوتة الا بذاتها. والسلام على من يحب السلام. المطلوب:
اولاً اليوم انتفاضة عصيان مدني شامل عابرة للمذاهب والايديولجيات مؤلفة من كل من فريق او انسان يؤمن بلبنان اولاً وال ١٠٤٥٢ كلم٢ وبالهوية اللبنانية.
ثانياً تحديد منطقة جغرافية حرة مستقلة لا تعترف بدولة خصيان حzب الله وصبيانه وإنشاء حكومة استقلال بتعددية حزبية مذهبية ووطنية تمثل وتدير هذه المنطقة سياسياً.
ثالثاً انشاء إدارة ذاتية مؤلفة من اشخاص غير فاسدين ومشهود لهم بنظافة الكف لهذه المنطقة تعنى بالقضايا اليومية للمواطنين من كهرباء ونفايات واقتصاد وأمن.
رابعاً التواصل مع المجتمع الدولي وتبليغه انطلاق العصيان المدني على دولة الإرهاب والطلب منه تأييد هذا العصيان والاعتراف بحكومة الاستقلال والمساعدة على هزيمة الاحتلال الايراني للبنان وهيمنة حزب الإرهاب على مكامن الدولة ووضع المجتمع الدولي أمام مسؤولياته لدعم انتفاضة الحرية هذه.
النطره على ضفة النهر هي انتحارجماعي وخزلان لهويتنا وتاريخنا ولبنان الذي يصلب وهو يتطلع الى منقذ شجاع مقاوم يزود عنه ويبشره بقيامة اليوم الثالث بمقاومة الاحتلال ورفضه ومواجهته اليوم قبل بكرا…
الموت واقفين ومرفوعي الراس افضل مية مرة من العيش راكعين ومذلولين هيك جدودنا علمونا وهيك مقاومتنا علمتنا وهيك تاريخنا علمنا ويلي بيمشي عكس تاريخه التاريخ بينساه وبيطلع من الجغرافيا وبيخسر بلده وهويته…والسلام.
