الدولة الرجَِال وحزب الله الدجاجة
المهندس الفراد ماضي/30 أيلول/2025
بركي الامثال بتفيد اكتر…
نهفة للعبرة:
في رجّال ودجاجة:
خلينا نعتبر انو الدولة هيي الرجّال وحزب الله هو الدجاجة
المشكل النفساني:
الرجّال مفكر حالو قمحة، كل ما بيشوف الدجاجة بيهرب…
الحل:
اخدو الرجّال عند دكتور تيعالجو، وشفي ومشي حالو تمام وبطل مفكر حالو قمحة…
سألو: كيف ملاقي حالك هلق؟
العقدة:
قلن والله شايف حالي تمام، انا مقتنع اني رجّال بس المشكل مش هون…
المشكل انو هلق مين بدو يقّنع الدجاجة انو انا مش قمحة؟؟؟
اي متى الدولة بدها تقتنع انو هيي الرجّال وحزب الله هو الدجاجة، وخاصة انو هالدجاجة حاشرة الرجّال وبدها ياه يضل مفكر حالو انو قمحة؟؟؟
مع انو اجا كتير “بروفسورية” من الشرق ومن الغرب يحكّمو ويقنعو انو شفي من مرضو، وانو هو رجّال مش قمحة بس …
ما عم يقتنع!!!
يا رب تفرجها ع السريع وتشفي قبل ما يطحنو القمحة ويدبحو الدجاجة!!!
