موقع dawaeronline/مقتطفات عن ١٣ نيسان ١٩٧٥، الحرب اللبنانية، من فيلم “بشير” للمخرج يوسف الخوري، إنتاج السيد ألفريد ماضي بالأفلام الوثائقيِه القصَّة مش قصِّة خبريّه، القصَّة كيف بتتخبّر الخبريّه. المخرج والكاتب يوسف ي. الخوري/13 نيسان/2025
نيزلنا بـِ 2 نيسان مقتطفات عن حرب زحلة من فيلمي “بشير، القائد الذي تجرّا أن يحلم”، ومتل العادِه صار البعض يشكّك ويتساءَل “شو بعد بينقال عن بشير وعن الحرب اللبنانيِّه؟” وبرأي هالبعض إنّو معالجة هيك مواضيع بتفتّح الجروحات ومش وقتها هلّأ!
أنا بقول الجروحات بعد ما تسكّرت تَ ترجع تنفتح. وبِـسأل: لمّا حزب الله همّشنا ودعسنا بالأوهام، كان حدا يسترجي يفتح تمُّه!؟ كان حدا يسترجي يقلُّه “يا مَـحلى الكحل بعيونك”!!؟ شو عدا ما بدا اليوم بعد ما انفكت رقبتُه صرتوا غيورين هالقد!!!؟
مشروع “أطلق الحقيقة” بعدو بأوّلُه، وفيلم بشير هوّي البداية. واليوم بِـذكرى الخمسين للحرب اللبنانيِّه، كمان رح قدّملكن مقاطع عن بداية الحرب من هالفيلم.
بشكر موقع DawaerOnline لـمساعدتُه بالأمور التقنيِّه لتحميل اللقطات والأحاديث (نظرًا لحجمها)، وطبعًا حبيبنا عفيف اسطفان يلي هوّي تكفّل بالمونتاج، كما إنّو بِـتشكّر الصديقَه الصحافية نضال أيّوب على الأداء المميّز. وما بحب همّش دور الصديق ألفراد الماضي على تكفُّلُه بإنتاج فيلم بشير اللي رح ينعرض بأقرب فرصة.
