الفنان الراقي نادر الخوري يرد على فادي شربل وكذلك اخيه المخرج يوسف الخوري: خيّي نادر والمصَرَّخاتي

الفنان الراقي نادر الخوري يرد على فادي شربل وكذلك اخيه المخرج يوسف الخوري: خيّي نادر والمصَرَّخاتي
خيّي نادر والمصَرَّخاتي،
الكاتب والمخرج يوسف ي. الخوري/02 نيسان/2024
وصلت لَ حَدّا بين خيّي وواحد مْصَرَّخاتي مصدّق إنّو هوّي ممثل كوميدي، بينما هوّي شقفة ممتِل مهرّج ما بيعرف إلّا يزَعْوِط. هلّأ مش حرزاني الواحد يفوت عالخط بيناتن، بس خيّي نادر ما بيتعلم. عندُه خبار من نحنا وزغار الله لا يجيبا عَ ديار حدا. كل عمرُه بيعمل المشكل بدون ما يستشيرني، وبيبقى عارف منيح إنّو بالآخر أنا اللي بدّي إجي خبّط. كان يعمل المشكل وأنا اتكقّل بالباقي، بس لِ مصيبِه؛ كنّا لمّا نرجع عالبيت بعد كل خناقا، آكُل أنا البهدلي من إمّي وهوّي يقعد يتفرّج. يطلع هوّي المهذّب وأنا الأزعر الشوارعي.
هلأ خيّي منّو هيّن، بس أنا متأكَد بالآخر رح يطلع المشكل عليّي، ونادر رح يضل الصبي الـ Noble صاحب الأخلاق العاليِه. مش غلط. بتلبق النبالِه لخيّي نادر، وأنا جسمي لبّيس عالزعرنِه، هيك هَيك التهمِه راكبتني من يوم يومها.
ميشان هَيك ضروري يفهم هيدا لِ مْصرّخاتي إنّو بالآخر المشكل رح يكون معي، وخصوصي إنّو هوّي اللي بلّش.