ساندي شمعون: الموارنة والأمة المارونية

36

الموارنة والأمة المارونية
ساندي شمعون/09 شباط/2023

الأمة المارونية هي أمة فلاحين عطيو معنى للحرية
ما خافو من العراء
تحدو وحوش الليالي
تحدو الطبيعة
وجللو الصخور
حفرو الصخر بإيديون
وجبرو قلب الصخر يلين
عمرو كنايس حيطانا من طين
كاساتا من خشب
شكو صلبان عا الجبال علامة للآلام
دلالة رجا
وتذكير بالقيامة
حملو حروف الفكر وعمرو جامعات ومدارس
تمردو ودافعو عن أرضون
عاشو أحرار
عاشو الزهد والنسك
عاشو بسطا متل الحمام
حكما متل الحيات
متمردين متل يسوعنا
قلوبون من دهب
والصلبان عا صدورون من خشب
هول هني الموارنة
هول أتباع مار مارون ومار يوحنا مارون
بنهار عيدك ما تسامح كل واحد ماروني عالهوية
كل السياسيين الموارنة الخاينين الراكضين ورا الكرسي
كل متحزب ماشي ورا يهوذا الإسخريوطي
كل ماروني قاعد عا جنب
كل ماروني عم بزقف لتجار الهيكل
كل ماروني ما في بقلبو محبة وإيمان ورجا
سامحنا أوقات بعجقة الحياة،
وضجة الذميين
منستقيل ومنتعب
سامحنا لأنو مش قادرين نقنع الجاهلين منا الماشيين ورا الزعيم،
إنت شفيعنا، شفيع أمة الفلاحين،
عطيت معنى للحرية
الحرية للي يوم كل لبناني بيتغنى فيا
وبكل فخر وثقة، هول إمة الفلاحين هني لي عملو منا أحرار بمحيط ديكتاتوري وجاهل.
ضروب بعصايتك تا نرجع مجد لبنان 🇱🇧
لبنانية الهوية
سريانية مارونية الإيمان
مارونية العقيدة والقلب
بنحدر بكل فخر من أمة فلاحين
ورتت الحرية والتمرد
ما بمشي ورا ولا زعيم
#الموارنة_مرؤ_من_هون وعا طريق الإنقراض