كلمتيْن من حزب حراس الارز _ حركة لْ قوميي لْ لبنانيي…. لبنان بيستاهل أحسن منكن.
أبو أرز/اتيان صقر/كانون الثاني/2023
بس يجي موسم لْ إنتخابات الرئاسية اللبنانيّي، ببلشو زُعما لِموارني يزحفو عَ السفارات الاجنبيي وعواصم لْ قرار لحتى يطلبو رضاهن ويسوّقو حالن للرئاسي.
اول شي، صرنا بلْ قرن لْ واحد ولْ عشرين، وبعدو رئيس جمهوريّة لبنان بيتعيّن من برّا… عيب عليكن.
تاني شي، هيدا بيشبه رجّال ومَرا مجوّزين وعيونُن لَبرّا … ستحو عَ حالكن.
تالت شي لبنان رح يضل خربان طول ما زعماؤو، خصوصن لِموارني، رح تبقى عيونن علْ عواصم لْ غريبي مش عَ لبنان.
يا جماعا تأكّدو إنكن ما بتستاهلو لبنان، ولبنان بيستاهل أحسن منكن
وتذكرو كمان إنكن كلكن فالين ومش باقي إلّا لبنان.
#رئاسة_الجمهورية
#لبيك_لبنان
#ابو_ارز
