جبران وميقاتي هني مجرد طرطورين عند، المحتل الملالوي، حزب الكوبتاغون الياس بجاني/06 كانون الأول/2022
حتى ما ينجح خبث وتشاطر وإرهاب حزب الكوبتاغون بتصوير الخلاف بين الطرطورين جبران ونجيب، ع انو خلاف مسلم مسيحي، لازم كل لبناني شو ما كان مذهبو وحر وبيحترم حاله، وعندو عقل، يستعملوا ويفتح عيونو، تا يشوف الحقيقة.
والحقيقة واضحة ومعروفي، وهي ان حزب الكوبتاغون يحتل لبنان بالكامل، وممسك بقرار حكمه، وبرقاب حكامه، وأن كل من هم في السلطة من كبيرون ل صغيرون من نواب ووزراء، ومعهم كل أصحاب شركات الأحزاب، ومنها التي تلك التي تدعي دجلاً حمل لواء السيادة والإستقلال، وهي التي خانت ثورة الأرز وفرطت تجمع 14 آذار…حتى ما ننسا ومش لازم ننسا لا اليوم لا بأي يوم.
جبران وعمه بعاد عن كل ما هو مسيحي ومسيحية بعد السما عن الأرض، وآخر همن مصير ووجود ودور المسيحيي بلبنان، هودي متل الإسخريوتي باعون حالن ولبنان وكل شي اسمه حرية وقرار وهوية وقيم مسيحية يوم يلي وقعوا ورقة التفاهم بشباط سنة 2006..ورقة الذل والإستسلام والإسخريوتي وداكشوا كل شي بالكراسي والمصالح الذاتية.
والطويل نجيب، ما خصو بالإسلام ولا بأي مذهب، هو أصلا صناعة سياسية وسلطوية اسدية وكل مصرياتو ومصريات خيو والفاميليا تبعو مصادرها مشكوك فيها محلياً ودولياً. وهالمخلوق بلا أحساسيس انسانية لأنو شايف تعتير وفقر وهجرة أهل مدينتو طرابس وواقف عم يتفرجمن دون ما يساعدون وبقدرتو يساعدون.
خلي نجيب وجبران البوقين والصنجين والطرطورين يفجروا ع بعضن وما لازم اي لبناني ينغش ويتوهم انو خلافن هو مسيحي اسلامي. هودي التنين وكل يلي بيشد ع مشدن هني مجرد ادوات وصنوج وأبواق بأمرة حزب الكوبتاغون وبس هيك.
من الآخر مشكلة لبنان هي احتلال حزب الله ومشروعه الإيراني المذهبي والثقافي والإرهابي وبالتالي لا حلول ما دام هذا الإحتلال قائم وكل من نراه من هرطقات وممارسا هي مجرد اعراض للإحتلال.
