إلى السيدة سمر ابو خليل المذيعة ع الجديد: اهلنا بإسرائيل، وأفراد جيش لبنان الجنوبي، هني المقاوميين الحقيقيين، وعامر فاخوي هو رمز للوطنية الياس بجاني/31 تموز/2022
السيدة سمر أبو خليل المذيعة، ومقدمة البرامج ع تلفزيون الجديد، 100% عايشي ومن زمان بغير عالم، ومنسلخة عن الواقع والحقائق.
بكل المقابلات يلي بتعملها، ومن غير شر، وربنا يحميها من الحسد وصيبة العين…. دائماً بتكون قومجيي ومكتري، وعم تشرشر مقاومة، وعم تشرقط تحرير.. وأكيد مع كل كلمة بتقولها بتنقط سم.
وع قد ما هي قومجيي ومغرومي بالتحرير والمقاومة، بتزايد فلسطينياً ع الفلسطينيين، وبالعداء لإسرائيل بتحط مية وزك ل حزب الشيطان الملالوي، ولكل صنوجه وأبواقه من يساريين وقومجيي..
مع احترامنا له بالشخصي، منحب نفهما بالسياسة و(أكيد مش راح تفهم)، انو أهلنا بإسرائيل هني المقاومة، وهني الشرف، وهني والسيادة، وهني الوطنية، ومش غيرون من تجار القضية الفلسطينية يلي دائماً مضيعين طريق طريق القدس، وتحديداً حزب الشيطان الملالوي، وكل ربعوا تبع كذبة ودجل المقاومة ورمي إسرائيل بالبحر.
أكيد السيدة سمر مع احترامنا بالشخصي له، هي حرة تنظّر ع كيفها، وحرة بمواقفها وبقناعاتها وبقومجيتها، ولكن.. كما نحن أحرار، ومن حقنا بالسياسة والإعلام أن نضوي ع غربتها النافرة والمستفزة عن الحقيقة، وع ظلمها وتجنيها ع قضية أهلنا اللاجئين في دولة إسرائيل، وع وطنية عامر فاخوي، وع احقية قضيته القضائية المرفوعة أمام المحاكم الأميركية، ضد كل من كان وراء خطفة واعتقاله اعتباطاً وفبركة التهم الباطلة بحقه، والتسبب بموته.
يا سيدة سمر، إن عامر فاخوري وطني، وشريف، ومظلوم، وضحية، وأهلنا اللاجئين في إسرائيل جميعهم، هم أشرف من الشرف نفسه، ومن يتهمهم بالعمالة، كائن من يكون، هو (اوهي) يسقط ما فيه عليهم.. ونقطة ع سطر الحقيقة.
*الكاتب ناشط لبناني اغترابي عنوان الكاتب الألكتروني Phoenicia@hotmail.com رابط موقع الكاتب الالكتروني على الإنترنت http://www.eliasbejjaninew.com
