بالصوت والنص/الياس بجاني: تأملات وجدانية وزجلية في ممارسات رجال دين ما في عندون جنس الرحمه ولا ذمة ولا دين

659

بالصوت والنصMP3/الياس بجاني: تأملات وجدانية وزجلية في ممارسات رجال دين ما في عندون جنس الرحمه ولا ذمة ولا دين/16 كانون الأول/14

في أعلى التعليق بالصوت/فورمات
اسمعوا كلامهم ولا تفعلوا أفعالهم

بالصوت والنصWMA/الياس بجاني: تأملات وجدانية وزجلية في ممارسات رجال دين ما في عندون جنس الرحمه ولا ذمة ولا دين/16 كانون الأول/14

 تعليقات الياس بجاني اليومية بالصوت منذ العام 2009/اضغط هنا لدخول الصفحة

Arabic LCCC News bulletin for December 16/14نشرة الاخبار باللغةالعربية
English LCCC News bulletin for December 16/14نشرة الاخبار باللغةالانكليزية

راعي لا يرعى ما إلو عازي
الياس بجاني/16 كانون الأول/14

هيك وبصوت عال وإيمان وخوف من الله وحدو، ومش من حدا من البشر، ومين ما كان يكون مش مهم، بدنا نسأل كل حدا عندو ضمير ووجدان وبيحترم نفسو شو نفع الراعي إذا ما بدو يرعى قطيعو ويتركو لوحوش الغاب، وكمان هو يساعد الوحوش تا يفترسوه. بيناتنا، وبضمير كتير مرتاح، ومن دون مسايرة لحدا، هيك راعي ما إلو عازي، ونقطة ع السطر.

وكمان بدنا نذكّر هيك رعيان شاردين انو ما حدا ترك هالدني وأخد معو شي لا قصور ولا مال ولا نفخة صدر ولا تكبر ولا عزوة ولا سلطة. الإنسان من التراب انجبل وإلى التراب سوف يعود، وجسدو راح ياكلو الدود يلي منو وفيه، بعد كم يوم من بعد ما ربنا يسترجع وديعتو منو، يلي هي الحياة. بزمن البؤس والمحل يلي نحنا فيه كتير محتاجين رعيان مش ذئاب كاسرة ومتوحشي.

يا ريت هالرعيان، كل الرعيان وين ما كانوا، ومين ما كانو، يلي عابدين تراب الأرض، وقاتلون الإستكبار، وغرقانين بغرائزون، يا ريت بيرجعوا للإنجيل يلي بيقول الإنسان ما بيقدر يعبد ربين يا المال يا الله، وما بيقدر يشرب من كاسين، كاس ربنا وكاس الشيطان. نحنا يلي سلاحنا الكلمي مش لازم نسكت وع طول من واجبنا نشهد للحق ونسمي الأشياء بأسمائها.

ولكن وكمان لازم دايماً نصلى تا الرعاة يكونوا فعلا  رعاة ومش ذئاب. اليوم خلونا كلنا نصلي وبخشوع حتى كل راعي ما عم يستعمل وزناتو للخير يتوب ويرجع لعند ربنا ولعند العضرار ولحضن يسوع ويؤدي الكفارات وإلا بيوم الحساب عجهنم دركبي. جهنم يعني دود ما بيهدا ونار ما بتنطفي ووجع  ما بيوقف. ومن عنده أذنان صاغيتان فليسمع.

 

برسم أصحاب الجبب واللحى والقلانيس/لان واقع الحال مقيم نعيد نشر ما غناه الفنان رامز ضاهر زمن الانتداب الفرنسي تحت عنوان: رجال دين
من كتاب في الذاكرة الشعبية –  تأليف خالد اللحام/الجزء الأول/شركة الزوايا ش م م بيروت

قدم الفنان رامز ابو ظهر اغنية على مسرح كنيسة المزرعة، حيث كانت الكنائس تلك الايام تقيم مسارح لتقديم الاعمال الفنية ذات المستوى والمضمون السياسي والوطني والاجتماعي. يقول الفنان رامز ابو ظهر :”غنيت على مسرح كنيسة المزرعة أغنية هاجمت فيها المظاهر التي غرق بها بعض رجال الدين في تلك الايام، مع ان المفروض بهم ان يكونوا هم طليعة الوطنيين وطليعة المهتمين بحياة الناس ومصير الناس ومشاكل الناس، وقال فيها:

شو هالعدل والانصاف والله محتارين

بدنا نحكي بس منخاف يقولوا كافرين

اي شي بيكفر يا جماعة وشي بيشيل الدين

عما نشوف البطرك حاكم والقاضي مدير

وعما نشوف المطران نائب والمفتي وزير

واللحى بمجرى السياسية في الها تأثير

مين بيشاهد هالمشاهد يللي عم تصير

ما بيترك دينو وايمانو وعقلو ما بيطير

شي بيكفر يا جماعة وشي بيشيل الدين

عم نشوف الشيخ لابس بدلاتو الحرير

وعم نشوف الخوري مزوزق عامل مانيكير

والمسيح كان يمشي حافي والنبي فقير

بالايمان هدوا الممالك وصاروا شعب كبير

عالصراط المستقيم احسنوا التدبير

سلمونا لجماعة قرفونا الدين

مين بيشاهد هالمشاهد يللي عم تصير

ما بيترك دينو وايمانو وعقلو ما بيطير

شي بيكفر يا جماعة وشي بيشيل الدين

بيجوز من الله هالديوره كيف محشيين

بالمصاري والخيرات متبنيين تتبين

وفيهم رهبان الله يبارك كيف معلوفين

مهما صاموا مهما صلوا بيضلوا ناصحين

والرسل كانوا جماعة فقرا وصيادين

سلمونا لجماعة قرفونا الدين

اي شي بيكفر يا جماعة وشي بيشيل الدين

يا مين قشع يا مين شاف شو في بهالاوقاف

من الفضايح والسرقات باسم الاسعاف

تحت ادارة كم شخصية من شعب الاشراف

وهالاشراف بعيد عنك من الامانة نضاف

الواحد منهم قرد ملفلف بخمسين لحاف

ما في عندو جنس الرحمه ولا ذمة ولا دين .

في أسفل فهرس صفحات الياس بجاني على موقع المنسقية القديم

فهرس مقالات وبيانات ومقابلات وتحاليل/نص/صوت/ بقلم الياس بجاني بالعربية والإنكليزية والفرنسية والإسبانية

تعليقات الياس بجاني اليومية بالصوت منذ العام 2009/اضغط هنا لدخول الصفحة
صفحة الياس بجاني الخاصة بالمقالات والتعليقات
مقالات الياس بجاني العربية لسنة 2014
مقالات الياس بجاني العربية من سنة 2006 حتى2013
مقالات الياس بجاني العربية من سنة 1989 حتى2005
الياس بجاني/ملاحظات وخواطرسياسية وإيمانية باللغة العربية لسنة2014
الياس بجاني/ملاحظات وخواطر قصير ةسياسية وإيمانية باللغة العربية بدءاً من سنة 2011 وحتى 2013

صفحة تعليقات الياس بجاني الإيمانية/بالصوت وبالنص/عربي وانكليزي
مقالات الياس بجاني باللغة الفرنسية
مقالات الياس بجاني باللغة الإسبانية
مقالات الياس بجاني حول تناقضات العماد عون بعد دخوله قفص حزب الله مع عدد مهم من مقلات عون
مقالات للعماد ميشال عون من ترجمة الياس بجاني للإنكليزية
مقابلات أجراها الياس بجاني مع قيادات وسياسيين باللغتين العربية والإنكليزية

صفحة الياس بجاني الخاصة بالتسجيلات الصوتية 
بالصوت/صفحة وجدانيات ايمانية وانجيلية/من اعداد وإلقاء الياس بجاني/باللغةاللبنانية المحكية والفصحى
صفحة الياس بجاني الخاصة بالتسجيلات الصوتية لأول ستة أشهر من سنة 2014
صفحة الياس بجاني الخاصة بالتسجيلات الصوتية لثاني ستة أشهر من سنة 2013
صفحة الياس بجاني الخاصة بالتسجيلات الصوتية لأول ستة أشهر من سنة 2013
صفحة الياس بجاني الخاصة بالتسجيلات الصوتية لسنة 2012
صفحة الياس بجاني الخاصة بالتسجيلات الصوتية لسنة 2011
صفحةالياس بجاني الخاصة بالتسجيلات الصوتية من 2003 حتى 2010

بالصوت حلقات “سامحونا” التي قدمها الياس بجاني سنة 2003 عبر اذاعة التيارالوطني الحر من فرنسا