رابط فيديو مقابلة من موقع “دي أن أي” مع الإعلامي الغير شكل إيلي خوري المميز بهضامته وخفة دمه وقساوة انتقادته الهادفة والصاروخية/أيلي خوري بيقول يلي انت بتحب تقوله ومش قادر أو خايف أو ما بتعرف كيف.. ايلي هو انت لمن بدك تعبر عن غضبك وقرفك من الإحتلال الإيراني وحزبه ومن ابواقه الإعلامية وأطقمه السياسية ومن قرطة الهّبل والمتزلفين والدجالين
رابط فيديو مقابلة من موقع “دي أن أي” مع الإعلامي الغير شكل إيلي خوري المميز بهضامته وخفة دمه وقساوة انتقادته الهادفة والصاروخية/أيلي خوري بيقول يلي انت بتحب تقوله ومش قادر أو خايف أو ما بتعرف كيف.. ايلي هو انت لمن بدك تعبر عن غضبك قرفك من الإحتلال الإيراني وحزبه ومن ابواقه الإعلامية وأطقمه السياسية ومن قرطة المتزلفين والدجالين. ايلي خوري: الانتصار كذبة وإذا بتمتد يد ايران مرة جديدة على لبنان سنكسرها 18 تشرين الأول/2024
في اسفل بعض تغريدات ايلي خوري من 10 حتى 18 تشرين الأول/2024 فـضـلالّـلــه طلع حسن بوند من ريغار حدّ ساعة العبد، عمل روليبولي لباب المجلس، فتحو برشاقة خبير، وتسلّل زحف وجمباز عبر خطوط الليزر لقاعة المجلس. كاين احد المتعاونين مرتّبلو مؤتمر صحفي، بيرجع بعدو سلحبة عالريغار وبيختفي متل السحر. فحوى الحديث، هيك بدنا نضلّ كل ما دعي برّي لجلسة؟
رئـيـس تـوافـقــي اولاً، توافق مع مين وشو؟ توافق مع امين عام خفي، او مع جبران وجوليو بوصعب، ولّا نجاح واكيم فرد مرّة. ليش بعد في غير برّي تتوافق معو على شي! تانياً، بالنسبة لحِجّة انو ما فيك تجيب رئيس غير توافقي، بيزعل قبلان. في سؤال بسيط: ليش اعلان الحروب ما بدّو توافق، بس انتخاب رئيس لازمو توافق؟ حدا مش اهبل يجاوب بس. رئيس توافقي قال، تو فاكينغ لايت.
مـلاحـظـة اعـلامـيــة طريقتي بالكتابة والمقابلات بصراحتا وسخريتا واستعمالا للاقوال الشائعة وعدم اعتبارا حدا اكبر من الاعتراض، مش شي جديد. بالـ50s وصولاً للـ80s (قبل ردع البعث) كانت الصحافة والرأي عأعلى مستوياتن بلبنان، وكان البينقال اليوم اقلّ ما يقال وقتا. كتابة لبناني بالعربي بصراحة فجّة وسخرية بلا رادع، ستيل كان شائع تصدّرتو الدبور والى حدّ ما الصياد، عم بحاول احييه. ثم انو عراية زياد: “كل واحد منّا عندو ستيلو – ما بيمنع انو يصير تنسيق جبلي لمضيلك بقلم ستيلو – كل الشعوب بكرا حتفيق”
ڤــازلــيـــن غني عن اي تعريف، دولة رئيس مجلس نوّام عمدى حياتنا. شيخ پرلمانات العرب وغينيس ريكورد برلمانات العالم. الاطول بالتاريخ، دغري بعد رمسيس. 32 سنة وكسور، الله لا يكسر حدا. فرعون نكتجي ومحبوب من البيتعاطوا…
رد على استفزاز علم إسرائيل في مارون الراس لسليمان فرنجية على السلطات اعتبار هذا التصريح بمثابة إخبار وعدم التلكوء بملاحقة ومحاكمة كل من يثبت ضلوعه في هذه الجريمة النكراء والتي ارتكبها العدو الصهيوني ومن ورائه الامبراطورية الرومانية المتحدة.
