الياس بجاني: الزجل الدركي والعبثي والبابلي بين باسيل والحريري يستغبي عقول اللبنانيين ويستهين بذاكرتهم ويبين تبعية هالجوز المطلقة والمذلة والإسخريوتية لفرمانات حزب الله المحتل والإرهابي

87

الزجل الدركي والعبثي والبابلي بين باسيل والحريري يستغبي عقول اللبنانيين ويستهين بذاكرتهم ويبين تبعية هالجوز المطلقة والمذلة والإسخريوتية لفرمانات حزب الله المحتل والإرهابي

الياس بجاني/22 شباط/2021

فعلا جبران والحريري هني جوز فاجر وتاجر وتبعي ومخصي سيادياً وقراراً ووطنية وصدق ومصداقية.
جوز ما متمسح ما بيستحي ولا بيعرف جنس الخجل.
ليش ما بيستحي هالجوز، الحريري وجبران؟
لأنون مفكرين حالن شاطرين وفهلويي وموهومين بقدرتن يستغبونا ويستهتروا بذكانا وذاكرتنا.
هالجوز التعتير غرقان بزجل بابلي ودركي عماده الكذب والنفاق والأجندات الشخصية المصلحية.
عم يستفزوا ويقرفوا الناس بنتاقن وهرارن الكلامي النتن والهدف إلهاء الكل بأعراض المرض الإحتلالي، ولكن دون الجرأة والنية على تسمية هذا المحتل الإرهابي والمجرم والعمل على انهاء احتلاله.
دخلكون كيف ممكن نصدق التابع للمحتل والبايع الوطن والمداكش السيادة والإستقلال والقرار بالكراسي والمواقع السلطوية؟
لا أبداً ما حدا من الأحرار والسيادين مصدق هالجوز النحس والمربوط بحبال سيد امونيوم.
التنين غرقانين حتى دينيون بذل التبعية لحزب الله وهني يلي سلموه البلد من خلال الصفقة الرئاسية الخطيئة.
عيب والف عيب الكذب والتشاطر والتذاكي بأمور تافهة في حين أن وجود لبنان ومصيره بخطر.
والله عيب يا جبران ويا سعد، استحوا واضبضبوا. التمثيليي مكشوفي وريحتها طالعا وما بتتخبا.
طوشتونا بقرف زجلكم البابلي…اضبضبوا وحلو عنا وريحونا من مناظركم وزجلياتكم .. قرفتونا حياتنا.
ربي نجي لبنان من الكذابين والخانعين والطرواديين واحميه من قرف جماعات التذاكي والتشاطر والتبعية والنرسيسية وفي مقدمهم الحريري وجبران.
*الكاتب ناشط لبناني اغترابي
عنوان الكاتب الألكتروني
Phoenicia@hotmail.com
رابط موقع الكاتب الألكتروني
http://www.eliasbejjaninews.com