الياس بجاني/انتصارات ع مد عينك والنظر.. والطيارة منسقطها بحجر

102

انتصارات ع مد عينك والنظر.. والطيارة منسقطها بحجر
الياس بجاني/01 أيلول/2019

انتصارات الحجر فيها بيسقط طيارة.
ويلي مش مصدق ينفلق ويطق قهر.
انتصارات لاهية مرجفي أميركا وإسرائيل وكل العرب.
بس مع هيك انتصارات بدنا نتعود ناكل ونشرب ونتشبرق من معاجنها ومش من شي تاني..
ومع نِعم انتصارات السيد ورعد وقاووق وقاسم والباقيين كلون من مغاوير وشبيبة محور الممانعة والمقاومة وهز الأصابع بدنا نتعود وغصبن عنا انو انام ونقوم عن اناشيد وأغاني هالإنتصارات الغير شكل.
ونيالنا ع  انتصارات ع مد عينك والنظر
ولكن ما بدنا ما ننسى إنو مع هيك انتصارات ….
ما في لا مي
ولا كهربا
ولا شغل
ولا بنوكي
ولا مصارف
ولا دولارات
ولا دوا
ولا امن
ولا قضاء
ولا سيادة
ولا استقلال
ولا حريات
ولا شيل زبالي من الشوارع
ولا بيئة صحية ولا من يحزنون…
مع السيد وحزبو في انتصارات وبس.. وفي معها رزم ديون.
ويلي مش عاجبو يدق راسو بالحيطان ويشرب البحر.
هيدي انتصارات غير شكل.. مفصلي ع قياسنا وبس.
انتصارات صناعة ملالوية بامتياز
وماركة مسجلي باسمون
وعيش يا لبناني يا معتر ويا مشحر ب نعمة هالانتصارات واشكر وأحمد ليل نهار.
وما تنسى انك بعهدة عهد قوي وقوي ع الآخر..
عهد مقاومي وممانعة وكلو انتصارات…

*الكاتب ناشط لبناني اغترابي
عنوان الكاتب الألكتروني
Phoenicia@hotmail.com
رابط موقع الكاتب الألكتروني
http://www.eliasbejjaninews.com