خناقة لجنة الأشغال النيابية البهدلي: بري وعون اضرب من بعضون وحزب الله مهوشون
الياس بجاني/05/15
برافو حزب الله الإرهابي والمحتل والمذهبي والغزواتي، نجح يهوش عون وبري والشبيبة من الجنبين التعتير على بعضون وع شو؟
على السرقات والصفقات والمنافع!!
مغارة علي بابا الحكم بلبنان وخصوصا مجلس النواب فيها كلون ويعني كلون كل السياسيين وكل الأحزاب مباشرة أو مواربة ومعون كمان كتير من أصحاب الجبب والقلانيس.
ع كل حال لا بري وربعو قديسين، ولا كل 14 آذار اوادم، ولا عون وصهروتو والزمرة تبعو كفون نظيف وطوباويين.
التنين يعني بري وعون وأوباشون كلون هني شغيلي وفعالي عند حزب الله وتاركون الحزب ينهبوا ويسرقوا مقابل بلع لسانتون ع كل شي ستراتيجي وسيادي واستقلالي وحريات وقانون من متل السلاح والدويلة والتدخل بسوريا وتعطيل مؤسسات الدولة والسياسة الخارجية الإيرانية وغيرون أمور كتيرة.
المهضوم بمسرحية خناقة اليوم المسرحية وقذائف قناتي المي بلجنة الأشغال بمجلس النواب كان النجم الزقاقي بامتياز زياد أسود.
يخزي العين عنو هالشب الأشبهي شو تقيل الدم وفج وبلا أخلاق وشوارعي وع الآخر.
زياد اسود عوني زقاقي بامتياز بأخلاقه وثقافته وفجوره وجهله ومنقدر نقول انو عوني أكثر حتى من الأصهرة.
سؤال دخلكون مرتو لزياد اسود بعدها شي موظفي بكازينو لبنان وما بتداوم متل ابن خيو لسيدنا؟
حدا يخبرنا ويطمنا!!
للأسف نحنا الموارني البشيريين لا عون ولا زمرتو بيشبهونا ولا هني بيمثلونا لا من قريب ولا من بعيد.
نحنا الموارني اليوم ما في حدا إلا قلال كتير من القيادات الزمنية والدينية بيمثلوا وجداننا وضميرنا وتضحيات شهدائنا.
نتاق وهرار شباب عون بالمؤتمر الصحفي بعد خناقة لجنة الأشغال اليوم كان أضرب من الخناقة البهدلي نفسها بنجومه الأشاوس نبيل نقولا وفادي الأعور وحكمت ديب!! ملا تلاثي؟؟
النائب محمد قباني رئيس لجنة الأشغال النيابية كمان منو مثال قيمي وأخلاقي ووطني يقتدى به بشي ومتلو متل الباقيين.
أما استقتال العونيين الدفاع عن سرقات الصهر جبران نحنا منقول المبلغ كلو يلي شافطو جبران مش حرزان. الله يرد عنو حبيبنا جبران ويحميه عم يمثلنا نحنا الموارني وحامينا من داعش والقوات و14 آذار واميركا وإسرائيل والسعودية. وبيكفي معو الغدنفر زياد اسود!! مش كتير عليه هيك مبلغ صغير.
بيناتنا، الحسد مش حلو والله يخليلنا جبران وعمو ومعون باقي الأصهرة تا نقدر نحصل حقوقنا!!! والف ولي ع حلنا البهدلي والتعتير.
باختصار نحنا بزمن محل وبؤس ولبنان دولة مارقة وفاشلة ونقطة ع السطر
ما إلنا نحنا الموارني غير الصلا
الياس بجاني/05 تشرين الأول/15
شعبي سيدنا ومحبوب وكتير عندو هيبي، مش هيك وكمان شبوبيي؟
بالمشرح نحنا الموارني ما عاد إلنا غير الصلا والصوم والمسبحة تا ربنا يشفق علينا ويخلصنا لأنو زعاماتنا التعتير الدينية والزمنية هني عنوان للفشل والجحود والترسيسية ووج صحارتنا ميشال عون وفرقة الأصهر، ومعون النصار وكل يلي بيشدو ع مشدوا، وبضهرون زياد اسود وكل السود بقلوبون وحقدون والجنون.
يللا خلونا نصلي وربنا أكيد بيسمع وبيستجيب بلكي منخلص منون.
ربي استجب لصلاة من يصلي
حدا شي استفقد لسيدنا؟ نحن بالمشبرح منحب يضل بالفاتيكان!!
الياس بجاني/05 تشرين الأول/15
بالمشبرح صر لنا شي اسبوع مرتاحين من عنتريات ومواعظ ورمادية وفتور تصاريح سيدنا. الله يطول لنا بعمرو ويسعدو ويبعدو ويضل بالفاتيكان. هيك هو مرتاح وكمان نحنا وبالصراحة راحة ويا ريت بياخد معو المطران ايلي نصار فبيكونو كثر من الشاكرين!!
إن من يروج لثقافة الإرهاب والتمذهب هو أخطر من الإرهابيين اصحاب السيوف انفسهم، كما هو خطر الذمي والتقوي الخائف الساكت على الارهاب والإرهابيين
ابراهيم كنعان التعتير وسيمون إبي رميا الأكثر تعتيراً…كفى استفراغاً
الياس بجاني/04 تشرين الأول/15
ارحمونا من قرفهم ونفاقهم والتلون: إنه استفزاز مقزز وخدش للحياء واهانة للذوق والعقل والمنطق أن تفرض علينا في نفس اليوم مقابلة هرطقية وبوقية وغبية مع المتلون والجاهل سيمون ابي رميا ع ال بي سي وأخرى مع الأكروباتي والفريسي والمنافق بامتياز ابراهيم كنعان على الجديد. إنه فعلاً زمن محل الذي جعل من هؤلاء وامثالهم نواباً في البرلمان.
في أسفل فهرس صفحات الياس بجاني على موقع المنسقية القديم
