الياس بجاني/لا فرحنا ببقاء العماد قهوجي ولا زعلنا على ستربتيز العماد عون والبهدلي

402

لا فرحنا ببقاء العماد قهوجي ولا زعلنا على ستربتيز العماد عون والبهدلي
الياس بجاني/09 آب/15
دايما منقول ومنكرر إنو الشارد والغير سوي ميشال عون باقي ع الساحة السياسية ومفحل وعم يتمرجل ويهلوس ويزرع اصهر ويستفرغ تهديدات ومقلعط لبنان بهراره الكلامي 24 على 24 مش لأنو قوي أو شعبي أو مسنود من محور الشر وأشراره، أو لا سمح الله وطني وبطل وبيعرف سياسي.لا، وألف لا، عون بعدو باقي لأنو أكثرية يلي قبالو وخصوصاً من القيادات المارونية هني شي تعتير وأكثر من تعتير بمليون مرة. اكثريتون قناصين فرص وتجار هيكل وما عندون لا قيم ولا مبادئ وبيشتغلو سياسة ع قياسون القزمي.
أما جولات سيدنا السندبادية التي لا تنتهي، فهي قمة في الإسخريوتية والنفاق وحب المظاهر الفارغ والإستكبار، وأين منها كل هرطقات الكتبة والفريسيين والعشارين والصدوقيين وباقي جوقة المسرحجي من شي 2015 سنة ميلادية!!! تعتير ع الآخر. ولن نستغرب في حال سجل اسمه للقيام برحلة إلى القمر أو المريخ!!
باختصار حالتنا بؤس ومحل بامتياز ونحنا لا فرحنا ببقاء العماد قهوجي لسنة أخرى، ولا بالتأكيد زعلنا على حفلة ستربتيز ميشال عون وبهدلتو وبالتأكيد حفلات التزليط برابية عمادنا إلى المزيد!!