زرائب واغنام ومعالف وتبن وحبال
الياس بجاني
13 شباط/16
للأسف تعشعش بيننا ومعنا في الوطن وبلاد الاغتراب أعدد كبيرة من “الزقيقي” و”الزلم” المزخرفين والمتباهين بشالات وأزرار وفولارات.
هؤلاء عقول ما في بروسون. روسون فارغة من غير الغباء والهبل والجهل والتسطح الفكري والعقم الاخلاقي والخور الإيماني ومرض التبعية وعاهات الذل والانبطاح.
هؤلاء عار علينا نحن الموارنة تحديداً وعلى المسيحيين ولبنان عموماً.
هودي جماعة روح روح وتعا تعا وفوت وضهار وقعود ووقاف، وكل يلي بيهمون تلميع سراميون ونفخة الصدر والصور ولو مع عمهم لاسيفورس ومع الشارد المون جنرال ومع زلمو والعصي والمرتزقة تبعو.
هؤلاء عار على مار يوحنا مارون وعلى كبيرنا البطريك صفير وعلى روح وذكرى بشير وإهانة لفكر جبران ومالك.
هؤلاء من هالك إلى مالك ومنهما إلى قباض الأرواح.
هودي كلون سواسة وما في فرق لا بين يلي بالوطن منون ولا يلي بالإغتراب لأنو طينتون وعجينتون ومركبات عقولون العفنة واحدة.
ما بيعرفوا يفرقوا بين الحر والتابع ولا بين الادمي والحرامي ولا بين السيادي والعميل ولا بين الشخص والقضية لأنو ما عندون لا بصر ولا بصيرة.
هودي هني حملة الزرار والشالات والفولار والتعتير وأكيد عرفتون.
بيحبوا الزرائب وبيعشقوا الحبال ويتلذذون بأكل التبن من المعالف. وقمح من هودي الزمر بدك تاكلي يا حني.
