الياس بجاني/الله يرد العين عن جبران سندبادي وبطوطي مثل سيدنا

519

الله يرد العين عن جبران سندبادي وبطوطي مثل سيدنا

الياس بجاني/25 شباط/15

الصهر جبران صار مستواه أكبر من انو يعقد بلبنان ويضيع وقتو.

عم بيزور لبنان بين الفينة والأخرى!! أه شو سيدنا أحسن منو؟ ما هو كمان بيحقلو وبيلبقلو وقدا وقدود.

الصهر متل سيدنا سندبادي وبطوطي، والله يبارك ويزيد من نعمو ع التنين، ع سيدنا وع جبران وكمان ع عم جبران.

الصهر جبران الله يرد عنو الحساد وصيبة العين صاير عالمي وكل يوم ببلد من كوبا إلى البرازيل ومنها للمكسيك وعن قريب إلى القمر ومن بعدو انشاء على المريخ.

نجم هالصهر نجم، ومضوي نيال عمو فيه.

بيناتنا، يا هيك يكونو الوزرا والصهورة ويا بلا!!! مع انو المتلو هني بلاء ع لبنان وع اللبنانيي.

دخلكون وين اولويات الصهر العجيبي؟ بكوبا او بلبنان؟

ع فكرة حدا شي ذكروا للصهر بقول سيدنا يسوع المسيح: “مرتا مرتا تهتمين بأمور كثيرة فيما المطلوب واحد”؟

هون الحق ع سيدنا ع اساس انو جبران مثاله الأعلى هو سيدنا!! وهذا السندباد من ذلك البطوطي!!

أخ يا بلد، أخ شو فيك وجع وقديش فيك طرواديي واسخريوتيي وسندباديين وبطوطيين.