الياس بجاني: نسأل: من يشكل الحكومة في لبنان المحتل؟

نسأل:  من يشكل الحكومة في لبنان المحتل؟
الياس بجاني/15 كانون الأول/16

يلي عارف مين عم يشكل الحكومة يخبرنا.. ويطمنا ويقول للناس وين صاروا الشباب ومين حاطط فيتو ع مين؟
متل ما مبين انو ضايعا الطاصي ومش معروف مين العم يشكل..؟؟
هل من يشكلها الإستيذ بري؟
او الحريري أو ابن عمته الوسيم ومعهما غطاس خوري ما غيرو؟
أو الرئيس وجبران باسيل؟
أو فرنجية وفيرا يمين؟
أو وفيق صفا والمشنوق؟
أو النظام السوري ومملوكه!!
أو الملالي؟؟؟
الأكيد انو السيد حسن نصرالله، مرشد الجمهورية هو من يشكل ويقرر ويحسم ويضع الفيتوات عبر من انتدبهم لهذه المهمة..
والباقين كلون للأسف متل الكومبارس لا قرار حاسم لهم ولا دور غير الدوران حول انفسهم ومن مقر إلى آخر..
هل نستغرب؟
بالطبع لا وألف لا.. لماذا لا نستغرب؟
لأن ال 14 آذاريين التايوانيين الذين باعوا القضية وثورة الأرز وقفزوا فوق دماء الشهداء وحملوا بيارق الانتصارات الوهمية فاتو بالحيطان..
فاتوا بالحيطان وعم يلحسوا شي مية مبرد ومبسوطين بملوحة دمائهم..
بعدون لحد هلق غشيانيين وبغيبوبي.. مع انو حلون يفيقوا!!
فاتو بحيط الإحتلال ..
وبحيط الغرائز والفجع..
وبحيط الطمع والتناتش..
وبحيط الغباء على الأكيد ومعه حيط الحسابات الخاطئة من تشاطر وتذاكي وتعجرف!!
وفاتوا كمان بحيط غش واستغباء الناس وتزوير الحقائق…
فاتو بالحيطان وسقطت الأقنعة ومعها كل أوراق التوت..
يلا..حفلة ستربتيز وتزليط.. ويا مين يتفرج…
وبالنهاية على الأكيد الأكيد ما بيصح غير الصحيح..
وهذا الصحيح غير ذاك الصحيح الذي توهم البعض أنه يمتلكه..
وأكيد حلون يفيقوا… مع انو يلي من ايدو الله يزيدوا من غلال وحصاد ما زرع..
ويا ريتو لا زرع ولا غشي…
زرعوا الريح وها هم يحصدون العواصف والأعاصير..
أما فحطة القوات بذكرهم..مجرد ذكرهم من قبل مرشد وطن الأرز.. فحدث ولا حرج ..
وحيث على الأكيد لا حرج بالمرة!!

**الكاتب ناشط لبناني اغترابي
عنوان الكاتب الألكتروني
phoenicia@hotmail.com

الياس بجاني/رابط مقالتي التي في أعلى المنشورة اليوم في جريدة السياسة/نسأل: من يشكل الحكومة في لبنان المحتل/16 كانون الأول/16/اضغط هنا
http://al-seyassah.com/%d9%85%d9%86-%d9%8a%d8%b4%d9%83%d9%84-%d8%a7%d9%84%d8%ad%d9%83%d9%88%d9%85%d8%a9-%d9%81%d9%8a-%d9%84%d8%a8%d9%86%d8%a7%d9%86-%d8%a7%d9%84%d9%85%d8%ad%d8%aa%d9%84%d8%9f/