الياس بجاني: ع سلامتو المير طلال وتكرم عينو مؤتمر تأسيسي وحبة مسك ومن بكرا

439

ع سلامتو المير طلال وتكرم عينو مؤتمر تأسيسي وحبة مسك ومن بكرا
الياس بجاني/09 أيلول/16

ع سلامتو المير طلال قبضاي ومقاوم ومحرر وممناع درجي اولى ودائماً جدي ومش مبسوط.. بس مشكلتو انو مقاوم مع مقاومين منافقين، ومحرر مع محتلين وغزاة، وممانع مع منبطحين ل شي 50 دولة،

المير الله يرد عنو صيبة العين ع طول بيحب يبيض وجو مع الأسد وحزب إيران بلبنان وبيقوص ع إسرائيل بمناسبي ومن دون مناسبي…

اثبات وجود مش أكتر.

الله يطولنا بعمر المير ويعطيه القوة وتبقى همتو مقاومتية وممانعتية.

المير رايح ع الحرب والناس راجعا منو.

الله يرحم بيو البطل الإستقلالي الكبير المير مجيد كان لبناني أصيل.

ع فكرة شو كان موقف المير طلال رافع رايات الحق والعدل من جريمة الجامعين في طرابلس والقرار الإتهامي يلي اتهم ضباط سوريين من جماعة الممانعة والمقاومة…

إذا عمل شي موقف حدا يخبرنا…

أما عن خلفية حماس المير طلال المنقطع النظير للمؤتمر التاسيسي، وليش وع طول حامل السلم بالطول وبالعرض..

فهذا والله أعلم يمكن يكون تكتيك استباقي ومسرحي مش أكتر .. ومن عدة الشغل السياسي تا يضل حزب إيران عنا راضي وعمنا الأسد الكيماوي مبسوط فيه.

يلا زمن محّل وبؤس وما في حدا أحسن من حدا..

ليش يلي عنا نحنا الموارني سياسيين وزعما ونواب وأحزاب من شو بيشكو..

شمعتنا نحنا الموارني الصهر جبران عجيبة زمانو وفلتت تياره

أما نابليوننا هو الواهم والحالم صاحب ثروة ال 100 مليون دولار جنرالنا ميشال عون.

الطقم يلي عنا نحنا الموارني هني خبرا انبطاح وذمية وحربقة وتشاطر وميثاقية وكذب ونفاق وهوبرات وسمسرات..

وهات أيدك والحقني.. وسامحونا

**الكاتب ناشط لبناني اغترابي
عنوان الكاتب الألكتروني
Phoenicia@hotmail.com