الياس بجاني: صار بدها حراك ماروني كنسي وتكنيس وشطف سياسي وبسرعة وإلا فالج لا تعالج

صار بدها حراك ماروني كنسي وتكنيس وشطف سياسي وبسرعة وإلا فالج لا تعالج.
الياس بجاني/22 تشرين الأول/15

ربنا رفع المسيح الدجال لمستواه وسماه مسيح متله،
ولكن مسيح دجال، وحذر المؤمنين من شروره وتجاربه ونفاقه وخداعه واخطاره الإبليسية التدميرية.
وربنا كمان رفع المال لمستواه، وقال لا تعبدوا ربين، يا انا يا المال.
هالقد هني التنين سرطان وخطر ودمار، المال والمسحاء الدجالين.
نحنا الموارنة تحديداً، ومعنا اللبنانيين كلون، ويعني كلون، واقعين وغاطسين ل دنينا بأفخاخ التنين سوا، ولا رحة ولا شفقة ولا من يحزنون!!
عبدة المال من فج وغميق ومسحاء دجالين بكل الطوائف فالحين فينا وبلبنان فلاحة.
ومتل ما عنا نحنا الموارني المقهورين من كنيستنا وطاقمنا السياسي والحزبي، كما غيرنا عندون ومتلنا وأكثر مسحاء دجالين وعبدة مال وتجار هيكل وإرهاب وسلاح متفلت وإرهابيين وتجار نفاق تحرير ومقاومة وممانعة.
وبضهرون دويلات ع قفا مين يشيل!!
عنا نحنا الموارني المسيح الدجال بامتياز هو الشارد ميشال عون، ومعو مسحاء دجالين كتار من أحبارنا الكبار اضرب منو واكتر منو دجل ونفاق وفجع وفجور.
ومتل عنا نحنا الموارني زعما وسياسيين ورؤساء احزاب شي تعتير، وعبدة مال بامتياز عم يسرقونا ويزوروا تمثيلنا ويعهروا قضيتنا ويقتلعوا وجودنا،
كمان عند غيرنا أضعاف وأضعاف من هالمساطر الإبليسية.
باللبناني المشبرح وبالماروني كمان الأكثر من مشبرح، الراعي والمظلوم ونصار وعون وطاقم الأصهرة، وكل يلي متلون وبيشد ع مشدون وبيهوبرلون هني العلة وهني السرطان.
هيدا الشعب الغبي يلي ماشي وراهون بيتحمل المسؤولية عن استمرارية وجودون بالسلطة وبمواقع القرار.
هودي المسحاء الدجلين وعبدة المال هني عملياً دراكولات عم يمصوا دمنا ومش لازم نتركون فالتين.
من هون، صار بدها المسألة حراك ماروني وكنسي وتكنيس وشطف وبسرعة وإلا فالج لا تعالج.

*الكاتب ناشط لبناني اغترابي
عنوان الكاتب الالكتروني
phoenicia@hotmail.com